Masteremne i engelskspråkleg litteratur/kultur VII
Masteremne
- Studiepoeng
- 10
- Undervisningssemester Vår
- Emnekode
- ENG337
- Talet på semester
- 1
- Undervisningsspråk
- Engelsk
- Ressursar
- Timeplan
- Litteraturliste
Emnebeskrivelse
Mål og innhold
Kurset skal gi utvida kunnskapar om engelskspråkleg litteratur og/eller kultur, og øve opp ei kritisk og sjølvstendig forståing av problemstillingar som er knytte til studiet av litteratur og/eller kultur.
ENG337 er eit spesialisert studium, normalt i eit tema innanfor amerikansk, britisk eller verdslitteratur på engelsk. Innhaldet i emnet vil variera frå år til år. Tekst til faget kan hentast frå ein nasjonallitterær tradisjon, ein periode, ein sjanger, eit forfattarskap, eit litterært eller kulturrelatert tema, eller ei litterær eller kulturell rørsle. Tekstane skal lesast ut ifrå eit kritisk og teoretisk perspektiv.
Læringsutbytte
Ved fullført emne har følgjande læringsutbyte definert i kunnskapar, ferdigheiter og generell kompetanse:
Kunnskapar
Studenten
- har utvikla vidare kjennskap til disiplinen generelt
- har tileigna seg spesialisert kunnskap om temaet emnet omhandlar
- har fått kjennskap til nyare forsking på det aktuelle feltet emnet omhandlar
Ferdigheiter
Studenten
- kan drøfte tema frå engelskspråkleg litteratur og/eller kultur frå ein kritisk og teoretisk ståstad, og med ei analytisk tilnærming
Generell kompetanse
Studenten
- er i stand til å arbeide med særlege teoretiske/metodiske problemstillingar over ei visstid
- har vidareutvikla evna til å uttrykkje akademiske idéar på skriftleg og munnleg engelsk
Studiepoeng, omfang
Studienivå (studiesyklus)
Undervisningssemester
Undervisningssted
Krav til forkunnskaper
Anbefalte forkunnskaper
Studiepoengsreduksjon
Krav til studierett
Arbeids- og undervisningsformer
Seminar: opp til 16 timar.
Om det melder seg færre enn fem studentar til eit emne, kan undervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart, og før semesterregistreringsfristen 1. februar/1. september.
Obligatorisk undervisningsaktivitet
Studentane må levere eit utkast av semesteroppgåva på 1000 ord, møte til rettleiing, følge retningslinjer og halde fristane sette av instituttet og læraren for emnet. Utkastet må leverast innan fristen gitt av rettleiaren og må godkjennast av rettleiaren. Utkast som ikkje blir godkjende kan reviderast og leverast på nytt éin gong. Studentane har rett til rettleiing i arbeidet med semesteroppgåva. Rettleiing er obligatorisk. Dersom rettleiinga strekkjer seg over meir enn eitt møte, må studentane vere til stades på alle møta. Rettleiing kan bli gitt individuelt eller i grupper. Studentar som ikkje får utkastet sitt godkjent etter andre forsøk eller som ikkje oppfyller krava nemnd ovanfor kan ikkje levere semesteroppgåva til eksamen.
Dei obligatoriske oppgåvene er gyldige i undervisningssemesteret og eitt semester etter det.
Vurderingsformer
Eksamen i emnet er ei rettleidd semesteroppgåve på om lag 4000 ord (±10%) (eksklusive litteraturliste osv.), følgd av ein munnleg eksamen. Den munnlege prøva kan justere karakteren for semesteroppgåva opp eller ned med éin karakter.
Semesteroppgåva må vere greidd for at studenten kan gå opp til munnleg eksamen. Kandidaten blir eksaminert både i oppgåva og heile pensum under munnleg eksamen. Ein må få ståkarakter i begge prøvene for å få ståkarakter i heile emnet, og begge eksamensdelane må gjennomførast i same semester.
Studentane pliktar å møte til rettleiing og elles halde dei fristane som er sette av faglærar. Studentar som ikkje følgjer desse retningslinene, misser retten til å ta eksamen i emnet.
Karakterskala
Vurderingssemester
Litteraturliste
Pensum i emnet er sett saman av opptil 700 sider sakprosa eller læreboktekst, eller litterære tekstar som svarar til 6-8 verk. Teoritekstar høyrer med. Det vil òg vere mogleg å kombinere sakprosa og litterære tekstar i eitt pensum. I tillegg til pensum lyt studentane gjere bruk av tilrådd hjelpelitteratur.
Litteraturlista vil vere klar innan 01.12. for vårsemesteret.