Fagdidaktikk i engelsk 1 (fag 2)

Emnet har som mål å gi ei innføring i språkdidaktiske teoriar og analytiske perspektiv, og fremme utvikling av forskingbaserte kunnskapar, ferdigheiter, analyse og refleksjon relatert til undervisning i engelskfaget.

Innhald:

Studiet tar opp tema som kan knytast til fem hovudområde:

• Engelsk som skole-, kultur-, og forskingsfag
• Språklæring frå eit kommunikativt perspektiv
• Interaksjon med og gjennom engelskspråklege tekstar
• Interkulturell kompetanse
• Integrering av engelsk disiplinfag, språkdidaktisk teori og praksiserfaring

Emnet er også knytt til praksis i skolen. Undervisninga i emnet vil gjennomgåande støtte studentane i å reflektere over praksiserfaringar i lys av fagdidaktikk. Dette inneber også å ta opp spørsmål rundt lærevanskar, behov for spesialundervisning og faglege utfordringar hos elevar i engelskfaget.

Studenten skal ved avslutta emne ha følgjande læringsutbytte:

Kunnskap

Studenten

• har kunnskap om engelsk som kultur-, skole- og forskingsfag
• har kunnskap om sentrale teoriar og nyare forsking innanfor andre- og framandspråksdidaktikk med særleg vekt på engelsk fagdidaktikk
• har kunnskap om ulike medium og tekstformer og korleis desse kan brukast til fagleg framstilling og kommunikasjon

Ferdigheiter

Studenten

• kan anvende sentrale teoriar og nyare forsking innanfor disiplinfag og språkdidaktikk i arbeid med, for eksempel cases frå klasserommet
• kan bruke faglitteratur og andre informasjonskjelder til å strukturere og formulere engelskdidaktiske resonnement og formidle desse gjennom tekstar som følgjer normer for akademisk skriving
• kan fremme etisk medvit og kritisk tenking hos ungdom gjennom arbeid med språklege, litterære og kulturelle tema
• kan bruke innsikt i språksystem, språkbruk og språkvariasjon i undervisning av engelsk
• kan leggje til rette for elevar sitt arbeid med engelskfaget i tverrfaglege og fleirspråklege samanhengar og bruke innsikt i engelskfaget sitt kultur- og danningspotensial til å fremme språkleg, tekstleg og kulturelt mangfald
• kan vurdere elevane sitt læringsutbytte og legge til rette for elevar si vurdering av eiga læring
• kan kritisk vurdere analoge og digitale læringsressursar og nytte dei i undervisning, kommunikasjon og til eiga utvikling

Generell kompetanse

Studenten

• kan uttrykkje seg munnleg og skriftleg på engelsk innan fagfeltet, med funksjonelt språk og presis bruk av faguttrykk og omgrep
• viser forståing for sentrale omgrep innanfor engelsk fagdidaktikk
• viser forståing for riktig bruk av primære- og sekundære kjelder
• kan reflektere rundt eigen læringsprosess og utvikling av språkleg, kommunikativ og didaktisk kompetanse
• kan opptre profesjonelt i møte med elevar, lærarar og andre aktørar i skulesamfunnet