Nordisk fagdidaktikk 1 (fag 2)

Emnet er det grunnleggande kurset i nordisk fagdidaktikk for studentar som har valt nordisk som fag 2 i lektorutdanninga. Det gir ei didaktisk tilnærming til norskfaget i eit heilskapleg perspektiv. I dette inngår norskfagleg kunnskapssyn, læringssyn og kunnskap om språk og tekst i resepsjons- og produksjonsperspektiv. Undervisninga i emnet vil gjennomgåande støtte studentane i å reflektere over praksiserfaringar i lys av fagdidaktikk. I emnet legg ein særleg vekt på:

1. Norskfagleg og nordiskfagleg innhald, kunnskapsforståing og læring.
2. Språklæring og språkutvikling.
3. Tekstforståing, tekstskaping og tekstvurdering.
4. Norskfagleg arbeid i praksis.

Kandidaten skal ved avslutta emne ha følgjande læringsutbytte:

Kunnskap

Kandidaten

● har innsikt i kva norskfagleg og nordiskfagleg kunnskap er, og korleis elevar kan tileigne seg og lære slike kunnskapar.

● har innsikt i sentrale styringsdokument for norskfaget.

● har innsikt i korleis elevar kan utvikle språkkompetanse og tekstkompetanse.

● har kunnskap om dei ulike rollene til faglæraren og arbeidsoppgåver i tilknyting til undervisning.

● har kunnskap om skriveprosessar og vurdering av norskfaglege tekstar.

Ferdigheiter

Kandidaten

● kan orientere seg i faglitteratur og teoriar i nordisk fagdidaktikk.

● kan planleggje, gjennomføre og reflektere over norskfagleg undervisning.

● kan vurdere norskfaglege tekstar og gi læringsfremmande tilbakemeldingar.

Generell kompetanse

Kandidaten

● kan reflektere over faglege og utdanningspolitiske problemstillingar knytte til norskfaget i skulen.

● kan vidareutvikle eigen kompetanse og bidra til fagleg utvikling hos medstudentane og i norskfaget som heilskap.