Kampuspraksisdag 4: Undervisning om kontroversielle tema

Kampuspraksisdagen har som overordna mål å gi studentane erfaringsbasert kunnskap om undervisning i kontroversielle tema, med særleg vekt på pedagogiske og didaktiske tilnærmingar. Studentane skal få praktisk erfaring med varierte undervisningsmetodar og øving i å kritisk reflektere over moglegheiter og utfordringar knytt til undervisning om kontroversielle tema. Dei skal og få innsikt i korleis lærarar kan leggje til rette for ueinigheit og meiningsbryting i undervisninga, samstundes som dei skaper eit inkluderande og trygt læringsmiljø.

Studenten skal ved avslutta kampuspraksisdag ha følgjande læringsutbytte:

Kunnskap

Studenten

• har kunnskap om undervisning i kontroversielle tema og didaktiske tilnærmingar.

• har innsikt i korleis ein kan leggje til rette for ueinigheit og meiningsbryting i eit inkluderande og trygt læringsmiljø.

Ferdigheiter

Studenten

• kan ta i bruk varierte metodar i undervisning om kontroversielle tema.

• kan reflektere over moglegheiter og utfordringar knytt til undervisning i kontroversielle tema.

Generell kompetanse

Studenten

• har forståing for korleis ein kan handsame ueinigheit og meiningsbryting i klasserommet, og kan reflektere over korleis læraren kan bidra til eit inkluderande og trygt læringsmiljø.