Innføring i europeisk historie og politikk

EUR101 Innføring i europeisk historie og politikk er eit samarbeid mellom Institutt for arkeologi, historie, kultur- og religionsvitskap og Institutt for samanliknande politikk. Emnet er sett saman av to hovuddelar:

1. Idear og førestillingar om Europa frå antikken til andre verdskrig.
2. Europeisk politisk historie og det europeiske integrasjonsprosjektet etter 1945, inkludert tilhøvet mellom Noreg og EU, EØS-avtalen og haldningar til europeisk samarbeid og integrasjon.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten kan

• gjere greie for korleis idear og førestillingar om Europa har utvikla seg frå antikken til i dag.
• gi oversyn over den moderne politiske historia i Europa med hovudvekt på det europeiske integrasjonsprosjektet frå 1945 til i dag.
• gjere greie for det politiske systemet og dei sentrale politiske institusjonane i EU.
• gjere greie for tilhøvet mellom Noreg og EU, historisk og institusjonelt gjennom EØS-avtalen.

Ferdigheiter

Studenten kan

• diskutere den politiske historia i Europa med hovudvekt på det europeiske integrasjonsprosjektet frå 1945 til i dag.
• drøfte utfordringar og problem med det politiske systemet og dei sentrale politiske institusjonane i EU.
• gjere greie for og diskutere Noregs haldning til og rolle i europeisk samarbeid og integrasjon frå 1945 til i dag.

Generell kompetanse

Studenten kan

• diskutere og stille seg kritisk til fagstoff og fagleg argumentasjon.
• skrive faglege tekstar basert på prinsippa for akademisk skriving og god kjeldebruk.
• halde empiriske døme opp mot modellar, teoriar og kategoriar