Innføring i Geofag og berekraft: Overflateprosessar, hav og klima
Lågaregradsemne
- Studiepoeng
- 5
- Undervisningssemester Vår
- Emnekode
- GEOV602
- Talet på semester
- 1
- Undervisningsspråk
- Norsk
- Ressursar
- Timeplan
Emnebeskrivelse
Mål og innhold
Mål:
Emnet gir ei grunnleggjande innføring i nokre av dei mest sentrale delane av geologifaget med fokus på overflateprosessane på Jorda, istidshistorie, landskapsutvikling, hav, klima, og menneskeleg påverknad på til dømes forureining, landskapsinngripen, og så bortetter. Emnet er spesielt retta mot lærarar, og har fokus på geofagdidaktikk, som er relevant for undervisning i både geofag og geografi.
Innhald:
Undervisninga er nettbasert og omfattar førehandsinnspelte førelesingsvideoar, refleksjonsbaserte oppgåver og student-drivne øvingar. Emnet gjev ein grunnleggjande introduksjon til Jorda si historie, overflateprosessar som erosjon og massetransport, hav- og kystprosessar, istidshistorie, landskapsutvikling, atmosfære, klima, klimaendringar og berekraft. Kurset inneheld tre digitale kveldsseminar med refleksjonsbaserte øvingar og gruppediskusjon, samt ei fysisk samling med årleg rotasjon mellom ulike byar i Noreg (felles med kursa GEOV601 og GEOV603). Ved behov vil denne bli tilrettelagt for hybrid deltaking.
Læringsutbytte
Kunnskap
Studenten kan
- forklare Jorda si historie i korte trekk
- definere og forklare sentrale geologiske omgrep og definisjonar
- gjere greie for ulike prosessar som verkar på land
- gjere greie for ulike prosessar som verkar i havet og langs kysten
- gjere greie for korleis ulike typar prosessar verkar og samverkar på Jorda, og kva produkt som resulterer frå desse prosessane
- forklare klima og klimaendringar, årsaker og konsekvensar til/av desse, og menneskets rolle i dette
Ferdigheiter
Studenten kan
- nytte grunnleggjande fagterminologi og uttrykksformer
- kjenne att ulike geologiske miljø, landformer og prosessar
- gjennomføre søk etter relevant litteratur, vise forståing av kjeldekritikk og nytte korrekt kjeldetilvising
- lese og forklare enkle grafar og figurar med geologisk informasjon
Generell kompetanse
Studenten kan
- nytta eit presist geologisk fagspråk til å skildre geologiske prosessar og hendingar
- demonstrere kritisk tenking og etisk bevisstheit rundt klima, natur og berekraft
- demonstrere evne til å arbeide individuelt
- demonstrere evne til å arbeide i grupper
- formidle emnet sin relevans i samfunnet
- kople emnet opp mot FN sine berekraftsmål
- nytta geofagdidaktiske metodar for å formidle geofag