Teknologi i samfunnet - Bacheloroppgåve

Målet med kurset er å gi ei teoretisk fordjuping i forholdet mellom informasjonsteknologi og samfunn. Studenten lærer om dei tekniske, sosiale og historiske kreftene som bidreg til utviklinga av ny teknologi. Kurset presenterer teoriar om teknologi, design og innovasjon, og drøftar ulike oppfatningar av kva krefter som set sterkast preg på utviklinga av moderne informasjonsteknologi.

Kurset består av ein forelesingsserie om sentrale teoriar og ei seminarrekke der teoriane blir kobla til aktuelle tekniske praksisar i dialog med ekspertar på feltet.

Ved gjennomføring av dette emnet vil studenten ha oppnådd følgjande læringsutbytte definert i form av kunnskap, ferdigheiter og generell kompetanse:

Kunnskap

Studenten har kunnskap om forholdet mellom ulike akademiske teoriar om teknologiutvikling.har kunnskap om aktuelle tekniske praksisar.

Ferdigheiter

Studenten kan diskutere forholdet mellom teknologiske og sosiale krefter i den historiske utviklinga av moderne informasjonsteknologi.kan reflektere kritisk rundt sentale teoretiske posisjonar og formulere eigne meiningar som blir underbygd med argument frå fagfeltet.kan analysere ein aktuell teknisk praksis i lys av teoriar.

Generell kompetanse

Studenten kan bruke sentrale teoretiske perspektiv til å forklare og forstå utviklinga av informasjonsteknologi og funksjonen den har i samfunnet, og presentere slikt arbeid i muntleg og skriftleg form.