Visuell Kultur: Historie, teori, fortolking

Bildekulturen er gjennomgripande for samfunnet vi lever i, frå det estetiske til det politiske feltet. Det visuelle formar det sosiale livet, men blir på same tid sjølv forma av det. Konsekvensane av denne komplekse vekselverknaden er eit hovudtema for studiar av dei praksisane, fenomena, objekta, opplevingane, og erfaringane som utgjer den visuelle kulturen. Faget rommar dermed heile breidda av bildeuttrykk, frå måleriet og fotografiet til film, video, fjernsyn, gaming, VR, og datasimulasjonar.

Målet med dette emnet er å gi studentane kunnskapar om ulike medium, estetiske uttrykk og former, sjangrar, omgrep, teoretiske perspektiv, og fortolkingstradisjonar i den visuelle kulturen. Emnet gir ei brei innføring i sentrale medieestetiske og kunstvitskaplege omgrep, samt i spørsmål knytta til analyse og forståing av den visuelle mediekulturen sine ulike representasjonsformer. Tema og omgrep som blir belyste i emnete varierer men kan mellom anna inkludere synspraksisar, synsmåtar, representasjon, teoriar om visualitet og om blikket, stilistikk og form, bildeteknologiar, kjønn og seksualitet, identitet, etnisitet, realisme, modernisme, makt og bilder, aktivisme, økologi, og overvåkning. Emnet bygger på humanistiske tilnærmingar og metodar som hermeneutikk, semiotikk, narratologi, filmteori, og allmenn bildeteori.

Studenten skal etter avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten...

• har grunnleggjande kunnskap om visuell kultur, medieestetikk, medieteori-og analyse
• har grunnleggjande forståing av sentrale omgrep og teoriar i feltet visuell kultur
• har grunnleggjande forståing av dei ulike representasjonsformene sin eigenart, og innsikt i historiske endringar i den visuelle kulturen

Ferdigheiter

Studenten...

• kan nytte omgrep og teoretiske innsikter frå visuell kultur til å ghere greie for vesentlege trekk ved bildekulturen
• kan analysere og fortolke form, innhald, og betydning i ulike bildemedier og estetiske praksisar
• kan nytte bildeteoretiske perspektiv og omgrep på konkrete visuelle uttrykk og fenomen

Generell kompetanse

Studenten...

• kan bruke sentrale teoretiske perspektiv og hermeneutiske metodar i praktisk analyse av fenomen i den visuelle mediekulturen