Retorikk og strategisk kommunikasjon

Målretta kommunikasjon er eit vesenstrekk ved mennesket og ein integrert del av verksemda til organisasjonar, interessegrupper og politiske parti. Både i sosiale relasjonar og i det offentlege livet søkjer menneske og institusjonar konstant å overtyda, informera og endra andres åtferd. Som medborgarar blir vi utsette for påverknadsforsøk frå interessegrupper og kommersielle aktørar og slike pregar retorikk og strategisk kommunikasjon politikk og samfunnsliv. I dette emnet studerer vi slik kommunikasjon teoretisk og praktisk.

Heilt frå retorikken til Aristoteles og sofistane og til våre dagars medie- og kommunikasjonsforsking har mennesket prøvd å greie ut korleis vi påverkar kvarandre. Emnet trekkjer på desse tradisjonane og gir ei historisk og systematisk innføring i retorikk og strategisk kommunikasjon som generell medie-, kommunikasjons- og argumentasjonslære. Vi ser på slik kommunikasjon i forhold til kulturelle, historiske og situasjonelle omstende, og som konstruksjon av identitet. Vi drøftar forholdet til sjanger, medium og formidlingsmåtar. Vi ser på retorikk som argumentasjon, estetikk og etikk, og vi undersøkjer korleis forskjellige medier påverkar retorikk og strategisk kommunikasjon.

I MEVI124 gjer me ikkje berre historiske, teoretiske og analytiske studium, me utviklar også forståing for  og kompeanse i praktisk kommunikasjonsarbeid skrifltlig og munnleg. Emnet gir forståing for måtane som andre søkjar å påverka deg, men også korleis du på etisk og vellykka vis kan påverka andre.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten...

• kan beskriva sentrale trekk i utviklinga av kommunikativ påverknad frå antikkens retorikk og fram til våre dagars mediesamfunn og strategisk kommunikasjon.
• kan gjera greie for sentrale teoriar innan fagfeltet, frå dei klassiske innføringar i kunsten å tala til moderne teoriar om påverknad, strategisk kommunikasjon og retorikk i media og offentlegheita.
• kan gjera greie for betydninga, funksjonen til og verdien av retorikk og strategisk kommunikasjon i offentlegheita, inklusiv spørsmål om demokratiske ideal og etikk.

Ferdigheiter

Studenten...

• kan utføra retorisk analyse og evaluering av forskjellige ytringar og genrar
• kan utvisa ferdigheiter i strategisk tenking og retorisk kommunikasjon og formidling, samt praktisera overtydande munnleg og skriftleg framstilling
• kan gi grunnleggjande tilbakemelding på persuasiv tekst og tale, samt bidra med grunnleggjande rådgiving i strategisk tenking og retorisk kommunikasjon

Generell kompetanse

Studenten...

• kan bruka kunnskapane sine til å forstå retoriske situasjonar, samt setja seg inn i kommunikasjonsutfordringar
• kan bruka ferdigheitene sine til å gjera grunnleggjande analyse, formidla og utøve grunnleggjande rettleiing i møte med slike situasjonar og utfordringar
• kan reflektera over spørsmål om retorikk og strategisk kommunikasjon i forhold til funksjon, effekt, etikk og demokratiske ideal.