Moderne tema i jødedom, kristendom og islam

Jødedom, kristendom og islam har i nyare tid gjennomgått store endringar. Med døme henta hovudsakleg frå desse tre mangfaldige religiøse tradisjonane og deira møter med skiftande omgivnader i tidleg-moderne, moderne og post-moderne tid, utforskar vi aktuelle problemstillingar knytt til religionar i dag.

Emnet tek mellom anna opp spørsmål om rollene til den moderne staten, sekularisering, kolonialisme, enkeltmenneskets rettar, nye måtar å lese religiøse skrifter på, natur- og humanvitskapane sin påverknad, ny teknologi og nye media, fattigdom og rikdom, globalisering, internasjonal politikk, minoritetar og urfolk, kjønnsroller, klimakrise, og nye religiøse retningar, alliansar og konfliktar.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar:

Studenten

• har god kunnskap om sentrale spørsmål og aktuelle tema i ulike jødiske, kristne og muslimske kontekstar frå tidleg-moderne, moderne og post-moderne tid.

Ferdigheiter:

Studenten

• har evne til å presentere og drøfte aktuelt fagstoff om jødedom, kristendom og islam i nyare tid.
• har evne til å skrive korte resonnerande tekstar om jødedom, kristendom og islam i nyare tid.
• har evne til å analysere likskapar og skilnader både mellom og internt i ulike jødiske, kristne og islamske retningar frå nyare tid.

Generell kompetanse:

Studenten

• har innsikt i dagsaktuelle religionshistoriske tema og spørsmål.
• har røynsle med å formidle religionshistoriske tema og spørsmål frå nyare tid både munnleg og skriftleg.