Fordjuping i latinamerikansk historie og kulturkunnskap (nett)

Lågaregradsemne

Studiepoeng
10
Undervisningssemester
Vår
Emnekode
SPLA649
Undervisningsspråk
Spansk
Ressursar
Timeplan

Emnebeskrivelse

Mål og innhold

SPLA649 er eit fordjupingsemne i latinamerikansk kulturkunnskap/historie. Emnet skal leggja til rette for at studentane tileignar seg djupare innsikt i eit utvalt tema innan fagfeltet.

Tema kan variera frå semester til semester, men vil alltid vera henta frå fagområdet latinamerikansk kulturkunnskap/historie. Emnet kan i eitt gitt semester tilby fordjuping i t.d. ein periode, eit land, eller eit tema.

Læringsutbytte

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap:

Studenten

  • har utdjupande kunnskap om eit emne innan latinamerikansk kulturkunnskap/historie.
  • har forståing for korleis det aktuelle emnet pregar den latinamerikanske røynda.
  • kan gjera greie for korleis det aktuelle emnet heng saman med sentrale trekk i latinamerikansk historie og kulturkunnskap

Ferdigheiter:

Studenten

  • kan bruke relevante analyseverktøy for å tolka ulike problemstillingar innan latinamerikansk historie og kulturkunnskap.
  • har utvikla den språklege kompetansen sin, særlig med omsyn til å tolka ulike spanske tekstar innan feltet latinamerikansk historie og kulturkunnskap.

Generell kompetanse:

Studenten

  • kan analysera fagstoff og trekkja eigne slutningar.
  • kan vidareutvikla kunnskap, dugleik og forståing gjennom vidare studium og yrkesliv.
  • har kompetanse til å halda fram med eit masterprogram i spansk språk og latinamerikastudium (etter også å ha fullført andre obligatoriske og/eller valfrie fordjupingsemne).

Studiepoeng, omfang

10

Studienivå (studiesyklus)

Bachelor

Undervisningssemester

Vår

Undervisningssted

Nett

Krav til forkunnskaper
Ingen formelle krav, men all undervisning skjer på spansk og baserer seg på fagkunnskapar som svarar til emna på 100-nivå i spansk språk og latinamerikastudium.

Anbefalte forkunnskaper
SPLA649 legg til grunn spanskkunnskapar som svarar til emna på 100-nivå i Spansk språk og latinamerikastudium. Undervisninga byggjer vidare på SPLA109/629 og SPLA119/639.

Studiepoengsreduksjon
På grunn av fagleg overlapp vert studiepoengutteljinga for SPLA649 redusert med 10 studiepoeng om det vert kombinert med SPLA203, SPLA209, SPLA253, SPLA259, SPLA659, eller med SLAN642.

Krav til studierett
Emnet er ope for studentar med opptak gjennom UiB Videre.

Arbeids- og undervisningsformer
Undervisninga er organisert som førelesingar/seminar og går normalt over åtte veker med fire undervisningstimar i veka. Det kan også verta aktuelt å organisera undervisninga i større blokker. Undervisninga fell saman med undervisninga for SPLA659. Det vert normalt gitt undervisning fire timar i veka i åtte veker. Om det melder seg færre enn fem studentar til eit emne, kan und ervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart.

Obligatorisk undervisningsaktivitet

Det blir kravd at studentane deltek på minimum 70 % av undervisninga for å få gå opp til vurdering i emnet.

Studentane skal gjennomføra to obligatoriske oppgåver gjennom semesteret. Det vert gitt informasjon om kva oppgåvene går ut på og kor tid dei skal gjennomførast, i byrjinga av semesteret. Vurderingsforma for arbeida er godkjent/ikkje godkjent. I samsvar med Forskrift om studium for UiB har studentane høve til å få eit nytt forsøk per oppgåve, om ei eller fleire av dei ikkje vart godkjende ved fyrste innlevering.

Godkjenninga av obligatoriske arbeidskrav er gyldig i undervisningssemesteret og semesteret etter.

Vurderingsformer
Vurderingsforma er ein 4-timars skuleeksamen som vert skriven på spansk. Karakteren vert sett på grunnlag av både innhald og språk. Eksamen finn stad i Bergen.

Karakterskala
Det vert nytta gradert karakterskala frå A til F, der F er stryk.

Vurderingssemester
Vår. Der er òg vurdering tidleg i haustsemesteret for studentar med gyldig godkjenning av obligatoriske arbeidskrav.

Litteraturliste

Pensum (om lag 550 sider) kan innehalda vitskaplege artiklar/essays, oversynsverk, og utvalde historiske kjeldetekstar knytte til desse.

Litteraturlista vil vere klar innan 01.12. for vårsemesteret.

Emneevaluering
Emneevalueringar vert gjennomførte i tråd med UiB sitt kvalitetssikringssystem.

Hjelpemiddel til eksamen
Studentane kan nytta eitt-språkleg og to-språkleg (t.d. norsk-spansk/spansk-norsk) ordbok på eksamensdagen. Studentane må sjølve ta med ordbøker til eksamen, og halda seg orienterte om og retta seg etter reglane som gjeld for kontroll av ordbøkene.

Programansvarlig
Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der.

Emneansvarlig
Programstyret for spansk språk og latinamerikastudium.

Administrativt ansvarlig
Det humanistiske fakultet ved Institutt for framandspråk har det administrative ansvaret for emnet og studieprogrammet.

Emnebeskrivelse

Kontaktinformasjon

Studierettleiar: studierettleiar@if.uib.no

Eksamensadministrasjon: eksamen@if.uib.no