Berekraft (master)

Programmet introduserer berekraft som eit tverrfagleg studieområde og byggjer på tre spesialiseringar:

• Globale samfunnsutfordringar
• Klimaendringar og energiomstilling
• Marin berekraft

Studentane arbeider med berekraftsutfordringar frå ulike faglege og tematiske vinklar, gjennom ei kombinasjon av teoretiske perspektiv og praktisk læring.

I studiet utforskar studentane kompleksitet og uvisse i berekraftskontekstar, systemtenking og modellering, og med korleis vitskapleg kunnskap, samfunnsinteresser og verdiar verkar saman i berekraftsrelaterte avgjerdsprosessar.

Dei jobbar med sentrale omgrep som «wicked problems», ubestembarheit og grensearbeid, og utviklar ferdigheiter i tverrfagleg og transdisiplinært samarbeid. Studentane arbeider saman med case-studier og reflekterer over korleis problemforståingar, kunnskapsformer og verdiar påverkar både forståing og handling.

Studentane kjem frå ulike faglege bakgrunnar og vel mellom spesialiseringane marin berekraft, klimaendringar og energiomstilling og globale samfunnsutfordringar. Dette mangfaldet er ein viktig ressurs i læringsprosessen og krev openheit og vilje til å møte ulike perspektiv. Omtrent 20 studentar får plass på programmet, og det er mykje samarbeid mellom studentar og tilsette som gir eit tett og støttande læringsmiljø.

Undervisninga er interaktiv og studentaktiv, og kombinerer førelesingar, diskusjonar, gruppearbeid med berekraftsutfordringar og individuell refleksjon og skriving. Programmet er fagleg krevjande, og studentane er venta å engasjere seg aktivt i kursmateriale, i kvarandre og i undervisarane. Studentar og lærarar utfordrar etablerte førestillingar og perspektiv og arbeider med vanskelege spørsmål knytte til interessekonfliktar, verdiar og avvegingar i berekraftsspørsmål.

Berekraft er blitt ein integrert del av strategiane til styresmakter, offentlege verksemder og i mange delar av næringslivet.   

Med master i berekraft vil du kunne arbeide innan alle arbeidsområde der tverrfaglege rammer og berekraftsmål er viktig, for eksempel  

• offentlege, private eller ideelle organisasjonar
• offentleg administrasjon
• internasjonale organisasjonar som arbeider for berekraft 
• journalistikk på berekraftsfeltet
• private selskap
• tenketankar 

Du vil òg få ei relevant utdanning til å halde fram i ei forskings- og utdanningskarriere, gjennom for eksempel doktorgradsarbeid. 

Dei fleste studentar frå land utanfor EU/EEA/Sveits må betale studieavgift, men det finns unntak.

Undervisningsspråk: Engelsk

I dei to første semestra tek studentane obligatoriske emne (SDG309 og SDG312) i kombinasjon med valfrie emne som støttar spesialiseringa deira. I tredje og fjerde semester gjennomfører dei eit sjølvstendig masterprosjekt, enten som ei forskingsbasert masteroppgåve eller ei praksisbasert masteroppgåve.

Eit masterprogram i berekraft kan sjå slik ut:  

1.semester  

SDG309 - Tverrfaglege perspektiv på berekraft(20 studiepoeng)

Eit valemne (10 studiepoeng)

2.semester  

SDG312 - Systemtenking og modellering for berekraft (10 studiepoeng)  

Valemne (20 studiepoeng)

3.semester  

SDG349 - Praksisopphald (30 studiepoeng)  

eller  

SDG350 - Masteroppgåve (60 studiepoeng) 

4.semester 

SDG351 - Praksisbasert masteroppgåve (30 studiepoeng)  

eller  

Framhald av masteroppgåve (60 studiepoeng)  

Valemna skal veljast frå ei liste med anbefalte valemne. Denne lista finn du i studieplanen. 

Som del av graden kan du studere eitt semester i utlandet. UiB har samarbeidsavtalar med ei rekke utenlandske universitet med studieprogram på berekraftsområdet. Eit utvekslingsopphald gir deg verdifull kulturell erfaring, språkleg trening, ny fagleg innsikt og opplevingar for livet. 

Sjå utvekslingsavtalar

Du vil kunne gå vidare med ph.d.-utdanning. Om du ønsker dette, bør du velje å skrive ei masteroppgåve på 60 studiepoeng, sidan dette kan vere eit krav for opptak til ph.d.-program.

Studieplan for Masterprogram i berekraft