Informasjonsteknologi og økonomi (integrert masterprogram, sivilingeniør)

ITØK-studiet gir deg 

• brei kjennskap til tema som kunstig intelligens, big data, maskinlæring og finansteknologi (fintech)
• grundig kunnskap i økonomisk teori
• svært gode ferdigheiter i programmering og dataanalyse
• anledning til å jobbe både sjølvstendig og i grupper med avanserte problemstillingar innan økonomi og IKT

Her finner du svar på noen ofte stilte spørsmål om ITØK-studiet.

Som ITØK-student blir du del av ein relativt liten klasse med høgt kvalifiserte studentar. Små klassar gjer det lettare å halde kontakten og følge kvarandre opp gjennom studiet. Oppfølging frå fagleg stab er tett, blant anna gjennom skreddarsydde kurs og individuell rådgjeving. 

Du er i nær kontakt med næringslivet frå starten, og allereie i fjerde semester er det utplassering i ei bedrift. Blant våre praksisbedrifter finn du blant anna Equinor, PwC, Knowit, Skatteetaten og Deloitte. Studiet har også workshops to gongar i året med bedriftspresentasjonar frå næringsliv og forvaltning. 

Ei typisk studieveke vil innehalde forelesingar, seminar, praktiske øvingar, tid på lesesal, gruppearbeid, samt andre studentaktivitetar. Mange av studentaktivitetane er organisert gjennom linjeforeininga til ITØK-studentane, Enigma. 

Studiet er eit fulltidsstudium og lar seg ikkje kombinere med fulltidsjobb.

Studiet gir deg eit verktøy som gjer deg svært attraktiv i arbeidsmarknaden. Med sivilingeniørstudiet i ITØK er du aktuell for jobb innan: 

• finans og bank
• høgteknologibedrifter
• IT og telekommunikasjon
• konsulentbransjen
• gründerverksemd
• offentleg forvaltning og forsking
• store industriselskap

I primær kvote tel berre karakterpoeng og realfagspoeng/språkpoeng. Søkarar som ikkje fyller meir enn 21 år i opptaksåret og har eit førstegongsvitnemål, søker i denne kvota.

I ordinær kvote tel også forbetringar av fag, alderspoeng og tilleggspoeng. Du søker i alle kvotane du er kvalifisert for.

Generell studiekompetanse og Matematikk R1 (eller S1 og S2), R2 og Fysikk 1. Om du ikkje har generell studiekompetanse kan du likevel dekke kravet om du har:

• Bestått 1-årig forkurs for 3-årig ingeniørutdanning og integrert masterstudium i teknologiske fag etter fagplan av 2014
• Bestått 1-årig forkurs for ingeniør- og maritim høgskoleutdanning
• Bestått 2-årig teknisk fagskule (rammeplan frå 1998/99 eller tidlegare)

Informasjonsmøter

I forkant av søknadsfristen er det kvart år digitale informasjonsmøter for interesserte søkjarar med ein student og programleiar Hans K. Hvide.
Her finn du spørsmål og svar frå tidlegare nettmøter.

Undervisningsspråk: Norsk og engelsk

ITØK-studiet er på 300 studiepoeng fordelt over fem år. Det er oppstart i august kvart år. Seks emne i studieplanen er valfrie (eitt år tilsaman). Undervisninga og pensum er på norsk og engelsk. Masteroppgåva er på 30 studiepoeng, altså eit halvt år. Det er mogleg å avtale masterprosjekt i samarbeid med næringslivet eller offentleg forvaltning. 

Slik er studiet lagt opp:

1. semester 

ITØK101 – Mikroøkonomi (10 studiepoeng) 
INFO132 – Innføring i programmering (10 studiepoeng) 
MAT111 – Grunnkurs i matematikk I (10 studiepoeng)

2. semester 

ITØK102 – Makroøkonomi (10 studiepoeng) 
INFO135 – Vidarekommande programmering (10 studiepoeng) 
MNF130 – Diskrete strukturar (10 studiepoeng)

3. semester 

INF170 – Modellering og optimering (10 studiepoeng) 
ECON210 – Velferd og økonomisk politikk (10 studiepoeng) 
STAT110 – Grunnkurs i statistikk (10 studiepoeng)

4. semester

ITØK281 – Utplassering i bedrift (10 studiepoeng) 
ITØK264 – Financial technology (10 studiepoeng) 
ECON263 – Bedriftsøkonomi for samfunnsøkonomar (10 studiepoeng)

5. semester 

ITØK204 – Økonometri og dataanalyse (10 studiepoeng) 
INF264 – Introduction to Machine Learning (10 studiepoeng) 
INF161 – Innføring i data science (10 studiepoeng)

6. semester 

ITØK170 – Energi- og miljøfysikk (10 studiepoeng) 
Examen philosophicum – seminarmodell eller skuleeksamen (10 studiepoeng) 
Valgemne innen informasjonsteknologi fra utvalgt liste. Tilbudet vil variere fra år til år (10 studiepoeng) 

7. semester

ECON310 – Mikroøkonomisk analyse (10 studiepoeng) 
ECON340 – Økonometri I (10 studiepoeng) 
Valemne INFO eller INF på masternivå (10 studiepoeng)

8. semester

ITØK381 – Ekspertar i team (10 studiepoeng) 
Ein av: ITØK320 – Supply Chain Analytics eller ECON364 – Corporate Finance eller ECON360 – Strategisk bedriftsadferd og markedsmakt (10 studiepoeng) 
Valemne INFO eller INF på masternivå (10 studiepoeng)

9. semester 

Valemne ECON på masternivå (eventuelt NHH) 
Valemne ECON/INFO eller INF på masternivå (eventuelt emne frå NHH) 
Valemne ECON/INFO eller INF på masternivå (eventuelt emne frå NHH)

10. semester

ITØK391 – Masteroppgåve (30 studiepoeng)

(Valemne på NHH må vere på masternivå)

Du kan reise på utveksling i eitt eller to semester. Universitetet i Bergen har mange spennande utvekslingsavtalar i blant anna USA, Storbritannia, Frankrike, Tyskland, Italia, Portugal og Spania.

Som ITØK student har du også anledning til å søke på eigne avtalar med UC Berkeley og UC San Diego.

Sjå utvekslingsavtalar

Med ein mastergrad kan du søke opptak til forskarutdanninga og ta ein doktorgrad (ph.d.).

Studieplan for Integrert masterprogram i informasjonsteknologi og økonomi (sivilingeniør)