Økonometri I

Kurset har som mål å gje ei fordjuping i økonometri og er eit sentralt grunnlag for avansert empirisk arbeid.

Kurset tek for seg lineære regresjonsmodellar, paneldatamodellar, diskrete valmodellar og modellar med vekt på kausalitet. Det blir lagt særleg vekt på at økonomiske data som oftast er ikkje-eksperimentelle, og kva konsekvensar dette har for konklusjonane ein kan trekkje. Både teoribakgrunn og praktiske døme blir gjennomgått. Kurset gir og aktiv bruk av bruk av økonometrisk programvare, som R/RStudio eller Stata.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

• Kunne gjennomføre analysar av økonomiske data basert på solid kjennskap til lineære og ikkje-lineære regresjonsmodellar for både tverrsnitts- og paneldata
• Forståing for kausalitetsbegrepet i ein empirisk samanheng og korleis ulike data og modellspesifikasjonar kan brukast for kausal estimering
• Grunnleggjande kunnskap om korleis ein oppdagar og handterer brot på føresetnadane for MKM, som til dømes utelatne variablar, seleksjon, heteroskedastisitet og seriekorrelasjon

Ferdigheiter

• Grunnleggjande bruk av statistikkprogram som R eller Stata til empiriske analysar
• Estimering og testing med lineære og ikkje-lineære modellar for ulike typar data
• Rapportering og tolking av regresjonsresultat

Kompetanse

• Evne til å lese og kritisk diskutere empiriske artiklar
• Evne til sjølv å gjennomføre grundige empiriske analysar med vekt på kausal tolking