Elektronisk litteratur
Lågaregradsemne
- Studiepoeng
- 15
- Undervisningssemester
- Haust
- Emnekode
- DIKULT203
- Talet på semester
- 1
- Undervisningsspråk
- Engelsk, norsk ved behov
- Ressursar
- Timeplan
- Litteraturliste
Emnebeskrivelse
Mål og innhald
Elektronisk litteratur er litterær fiksjon og poesi laga for og med datamaskin, nettverk og andre interaktive digitale apparat. Sjangrane innan elektronisk litteratur fokuserer på poetikk og har forbindelsar til andre former for digital kultur, som nettverkskunst og dataspel. I dette emnet vil studentane lese og skape verk av elektronisk litteratur, som hypertekstfiksjon, digital poesi og interaktiv fiksjon. Studentane vil også studere teoretiske og kritiske analysar av elektronisk litteratur.
Kreativ praksis er ein viktig komponent i emnet, og alle studentar vil delta i produksjonen av ulike typar elektronisk litteratur. Dei nødvendige tekniske ferdigheitene vil bli lært i praktiske økter. Studentane vil også få teoretisk opplæring i å analysere elektronisk litteratur, spesielt i korleis element som bilde, bevegelse, tid og rom og interaktivitet påverkar tekst og lesaroppleving, og korleis dette utfordrar vår forståing av tradisjonelle narrativ og poesi.
Læringsutbyte
Kunnskapar
Kandidaten har kunnskapar om
- sjangrar innan elektronisk litteratur og deira historie.
- sentrale verk innan elektronisk litteratur og digital poesi.
- korleis visuelle, kinetiske, temporale og interaktive element påverkar narrativ og poesi i elektronisk litteratur, og korleis dei kompliserer forståinga av lesarrolla og det litterære generelt.
- praktisk og kreativ produksjon av elektronisk litteratur.
Ferdigheiter
Kandidaten kan
- skape digitale miljø for elektronisk litteratur.
- skrive for digitale miljø.
- bruke teoriar om elektronisk litteratur i eigne tolkingar av spesifikke verk.
- diskutere korleis koding og design kan vere element i skrivepraksis.
Generell kompetanse
Kandidaten kan
- reflektere over eigen kreativ praksis og justere denne under rettleiing.
- nytte kreative og akademiske formidlingsstrategiar.
Studiepoeng, omfang
Studienivå (studiesyklus)
Undervisningssemester
Undervisningsstad
Krav til forkunnskapar
Tilrådde forkunnskapar
Studiepoengsreduksjon
Krav til studierett
Arbeids- og undervisningsformer
Undervisningsplanen vil vere tilgjengeleg ved semesterstart. Det er viktig at studentane deltar på orienteringsmøtet ved semesterstart.
Sidan emnet inkluderer praktisk arbeid i undervisninga, skal studentane ta med eigen laptop til alle økter og vere førebudde på å bruke den. Studentane må bu seg til undervisninga, ettersom timane alltid inkluderer studentdeltaking og diskusjonar rundt tema. Av og til vil det bli gitt lekser.
Arbeidsmengda er standardisert til 18 timer i veka frå semesterstart til eksamen, også i undervisningsfrie veker. Timane skal brukast til forelesningar, laboratorieøvingar, seminar, lesing av pensum, lekser, skriving av obligatoriske oppgåver og å hente relevant materiale frå bibliotek og nett (bøker, artiklar, videoar). Det er forventa at tida i undervisningsfrie veker blir brukt til sjølvstudium og eksamensførebuing.
Studentane kan inviterast til relevante gjesteforelesingar og arrangement organiserte av digital kultur. Om det er mindre enn fem studentar registrert på eit emne, kan instituttet redusere undervisninga. Sjå retningslinjene på Mitt UiB. Studentane får informasjon om dette ved semesterstart og før fristen for semesterregistrering (1. september).
Obligatorisk undervisningsaktivitet
Oppmøte er obligatorisk i all undervisningsaktivitet. Undervisningsdeltakinga skal godkjennast av emneansvarleg. Dersom fråværet overstig 25 %, får ikkje studenten ta eksamen.
Det vil vere tre obligatoriske oppgåver i løpet av semesteret, som vanlegvis inkluderer eit samarbeidsprosjekt i form av ei interaktiv oppgåve om eit verk innan elektronisk litteratur, eit individuelt prosjekt basert på et gitt tema, og ei videobasert oppgåve.
All akademisk vurdering må følge akademisk praksis, for eksempel argumentasjon og kjeldetilvising, og kan ikkje bruke AI for å generere akademiske tekster.
Dei obligatoriske oppgåvene må godkjennast av emneansvarleg før studenten kan ta eksamen.
Vurderingsformer
Karakterskala
Vurderingssemester
Litteraturliste
Undervisningsmaterialet vil vere ein kombinasjon av elektronisk litteratur og teoretiske tekstar om desse verka og elektronisk litteratur generelt.
Alt materialet er vanlegvis på engelsk. Studentar kan bruke og referere til kjelder på andre språk i oppgåver og eksamenar.
Lista over obligatorisk og anbefalt litteratur, så langt dette er kjent på førehand, er tilgjengeleg på Mitt UiB før semesterstart og oppdaterast ved behov. Bøkene vil vere tilgjengeleg hos Akademika eller som e-bøker som er mogeleg å laste ned.