Fagdidaktikk i fransk, spansk og tysk 1 (fag 1)

Fagdidaktikk i framandspråk for fransk, spansk og tysk inngår som ein del av universitetet si lektorutdanning i framandspråk. Sentralt i studiet er spørsmål knytt til elevane si kompetanseutvikling i framandspråk og til utvikling av fagdidaktisk refleksjon og handling.

Eit grunnleggjande spørsmål er korleis studenten kan utvikle og relatere framandspråkfagleg kunnskap til det å vere framandspråklærar. Spesielt viktig er det å utvikle forståing for korleis eigen fleirspråklege kompetanse, innsikt i undervisningsspråket og innsikt i eigne læringsprosessar kan vere bidrag i arbeidet med å leggje til rette for språklæringa til elevane.

Studiet er organisert slik at ein har noko undervisning på tvers av språkfaga for å understreke ein felles kunnskapsteoretisk samanheng og med tanke på felles danningsmålsetjingar for språkfaga i skolen. Noko undervisning førgår på framandspråket, for å vidareutvikle tryggleik i bruk av dette i undervisninga og for å ta i bruk språkspesifikke fagomgrep.

Emnet inneheld 10 dagar praksis. Undervisninga i emnet vil gjennomgåande støtte studentane når dei skal reflektere over praksiserfaringar i lys av fagdidaktikk.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar:

Studenten

• har innsikt i sentrale styringsdokument for skolefaget
• har innsikt i fransk/spansk/tysk som dannings- og ferdigheitsfag
• har kjennskap til sentrale teoriar om språklæring og fleirspråklegheit
• har kunnskap om vilkår for læring og kompetanseutvikling i fransk/spansk/tysk
• har kunnskap om ulike medium og tekstformer og korleis desse kan brukast til fagleg framstilling og kommunikasjon

Kunnskapar direkte knytt til praksis:

• har kunnskap om dei ulike rollene til faglæraren og arbeidsoppgåver i tilknyting til undervisning

Ferdigheiter:

Studenten

• kan analysere styringsdokument for skolefaget
• kan planleggje og reflektere over framandspråksopplæring basert på forskings- og erfaringsbasert kunnskap
• kan vurdere læremiddel og arbeidsformer i faget i relasjon til læreplanen for faget
• kan grunngi val og vurderingar ut frå eige fagsyn og praksisteori
• kan uttrykkje seg munnleg og skriftleg på framandspråk innan fagfeltet

Ferdigheiter direkte knytt til praksis:

• kan ta utgangspunkt i relevante kompetansespørsmål og aktuelle læremiddel for å planlegge og grunngje to til fire undervisningsøkter, gjennomføre øktene og reflektere rundt læringsprosessen
• kan nytta relevante digitale verktøy og læremiddel som er i bruk i vidaregåande skule.

Generell kompetanse:

Studenten

• kan reflektere over eigen og andre sin skolepraksis i lys av kunnskap innanfor dei framandspråkfaglege disiplinane (språk, litteratur, kultur og fagdidaktikk)
• har utvikla innsikt i framandspråkfaget sitt kultur- og danningspotensiale og kan gjere greie for faget si utforming og samfunnsmessige grunngjeving
• kan observere, reflektere over og vurdere eiga praksis for å kunne fornye og utvikle den fagdidaktiske kompetansen i framandspråk.
• kan undersøkje og drøfte framandspråklæring i lys av kunnskap innanfor dei framandspråkfaglege disiplinane (språk, litteratur, kultur og fagdidaktikk) og presentere refleksjon over dette skriftleg og munnleg
• Har innsikt i ulike analoge og digitale ressursar som kan fremje språklæring.

Generell kompetanse direkte knytt til praksis:

• kan opptre profesjonelt i møte med elevar, lærarar og andre aktørar i skulesamfunnet