Global og anvendt geofysikk

Mål

Det overordna målet med dette kurset er å gi studentane ei god forståing av global geofysikk, anvendt geofysikk og korleis dei er knytte saman. Eit andre mål med kurset er å gje studentane ei praktisk forståing av korleis kunnskap på desse områda vert skaffa, spesielt korleis tomografiske resultat vert analysert og betydninga av seismiske og seismologiske metodar. Denne praktiske forståinga inkluderer evna til å skrive dataprogram som er viktige i desse faga, inkludert seismisk strålesporing og seismisk inversjon.

Innhald

I dette kurset vil studentane lære om global geofysikk, platetektonikk (særleg midtatlantiske ryggar og subduksjonssoner), struktur og dynamikk i mantelen, struktur og dynamikk i kjernen og interaksjon mellom mantel og kjerne. Spesiell vekt blir lagt på plater- og plummodusar for manteldriv. Aspekt av anvendt geofysikk som blir dekka, inkluderer jordskjelv, vulkanar, hydrotermiske system, malmforekomstar og gasshydrat. Desse temaene vil bli studert ved hjelp av nye oversikts- og forskingsartiklar innan feltet. Studentane vil også lære ein del numeriske programmeringsteknikkar (inkludert interpolasjon, derivasjon, integrasjon, ordinære differensialligningar og inverse problem) og korleis desse blir brukt i geofysikk, med vekt på seismikk og seismologi for å studere Jordas struktur og dynamikk.

Studenten skal ved avslutta emne ha følgjande læringsutbytte definert i kunnskapar, ferdigheiter og generell kompetanse:

Kunnskapar

Studenten

• har god generell kunnskap om global og anvendt geofysikk og korleis data vert samla inn og analysert på desse områda

• har ein god grunnleggjande forståing av fundamentale numeriske metodar som vert nytta i geofysikk, spesielt seismikk og seismologi, inkludert interpolasjon, integrasjon, differensiering, løysing av differensialligningar og inverse problem

• veit korleis ein skal gjennomføre eit litteraturstudie om eit emne innan global og anvendt geofysikk og kritisk analysere desse artiklane

Ferdigheiter

Studenten

- Kan analysere og kritisere omtalar om platedynamikk, strukturen og dynamikken i mantelen og kjernen.

- Kan analysere og kritisere artiklar innan anvendt geofysikk, inkludert jordskjelv, hydrotermale og geotermale system og gasshydratar.

- Kan skrive eit dataprogram som kan brukast som utgangspunkt for å analysere data i global eller anvendt geofysikk.

- Kan halde ein presentasjon om eit tema i global og anvendt geofysikk.

- Kan forklare forholdet mellom geofysikk og andre område som geologi, geokjemi og oseanografi.

- Kan utføre eit uavhengig litteratursøk om eit emne innan global og anvendt geofysikk og skrive eit kort kritisk arbeid basert på den litteraturstudien.

Generell kompetanse

Studenten

- har kunnskap om global og anvendt geofysikk og korleis desse emna heng saman,

- kan skrive dataprogram som er relevante for global og anvendt geofysikk,

- forstår korleis geofysiske resultat vert skaffa, analysert og nytta for å auke kunnskapen om strukturen av dynamikken til Jorda på ulike skalaer,

- er i stand til å kritisk analysere og reflektere over forsking innan global og anvendt geofysikk.

Vår

Emnet har eit avgrensa tall på plassar og inngår i undervisningsopptaket. Meir info: www.uib.no/nt/53575/undervisningsopptaket-ved-nt-fakultetet