Masteroppgåve i politikk og forvaltning

Målet med masteroppgåva er å gjennomføre ei sjølvstendig undersøking av eit relevant tema innan politikk og forvaltning. Studenten har ansvar for val av problemstilling, undersøkingstilnærming og empiriske analysar, og skal oppsummere dei viktigaste delane av undersøkinga i form av ei masteroppgåve. Gjennom arbeidet med dette emnet får studenten erfaring med å formulere presise forskingsspørsmål, setje seg inn i eksisterande kunnskap om eit sjølvvalt tema, og utforme eit forskingsopplegg som bidreg med ny innsikt til forskingsfeltet.

For å sikre god rettleiing i forskingsprosessen og at vitskaplege kriterium blir oppfylte, skal oppgåvetema og problemstilling ta utgangspunkt i ei av dei tematisk organiserte forskargruppene ved instituttet. Det er forventa at studenten deltek i forskingsseminaret som forskargruppa organiserer, følgjer eit obligatorisk rettleiingsopplegg, og arbeider jamt med skrivinga av masteroppgåva gjennom heile perioden emnet varer.

Ved innlevering av masteroppgåva skal studenten ha følgjande læringsutbyte:

Kunnskap

Studenten:

• har inngåande kunnskap om heile forskingsprosessen
• har inngåande kunnskap om metodologiske og forskingsetiske tilnærmingar
• har inngåande kunnskap om vitskapleg tekstutforming og kjeldebruk

Ferdigheiter

Studenten:

• kan ta sjølvstendige val om sentrale tema og problemstillingar innan eit problemfelt
• kan velje relevant teoretisk og metodisk tilnærming for å utvikle kunnskapsfeltet
• kan vurdere kjelder og informasjon kritisk
• kan bruke akademisk skrivemåte, argumentasjon og referansebruk
• kan presentere og diskutere eige forskingsarbeid

Generell kompetanse

Studenten:

• kan gjennomføre samfunnsvitskaplege undersøkingar innan ulike temaområde
• kan formidle og drøfte avanserte faglege arbeid og problemstillingar munnleg og skriftleg
• kan bidra med forskingskompetanse i utviklingsarbeid og organisasjonsføremål