Kvalitative metodar i medier og kommunikasjon

Emnet gir ei innføring i kvalitative forskingsmetodar. Fokus er på humanvitskapleg analyse av kommunikasjon og tekster, og samfunnsvitskaplege metodar for intervju. Emnet skal gi studentane ei teoretisk forståing og praktiske ferdigheiter i å utføre slik forsking på kommunikasjon, medieinnhald og publikum. Det inkluderer også analyse/rapportering gjennom akademisk skriving. I delen om humanvitskapleg tekstanalyse vert studentane introdusert for nokre sentrale teoriar / metodar for å studere kommunikasjon og medietekster gjennom hermenutisk tolkande analyse og kritkk. Emnet tek for seg korleis sentrale omgrep og analysemåtar i desse tradisjonane kan brukast i konkrete analyser, samt kva yteevne dei har til å svare på ulike typar av spørsmål. Fokus er òg på korleis kommunikasjon og medietekstar av mange slag må forståast i ein sosial og kulturell kontekst, og korleis desse kan bevege publikum. I delen om intervjumetode får studentane innføring i kvalitative forskingsprosessar og tankemåter i media og kommunikasjon, spesielt med fokus på semi-strukturerte intervju. Det gjeld utvikling av problemstilling, forskingsdesign og rekruttering, innsamling av data, analyse og metodisk refleksjon. Emnet tar opp etiske retningsliner og utfordringar ved å samle inn og analysere slike persondata, og introduserer metodar som kan nyttast saman med intervju, som observasjon og mediedagbøker. Opplæringa er praktisk og inkluderer utprøving av intervjumetode. Emnet byggjer på MEVIX101 og MEVIX102 og er del av den praktiske og metodisk orienterte søyla i programmet Medier og kommunikasjon. Søyla består også av emner i kvantitativ metode (MEVI125), samt bacheloroppgave-emnet (MEVI290).

10

Bachelor

Vår