Norrøn filologi spesialisert emne III
Masteremne
- Studiepoeng
- 15
- Undervisningssemester Haust, Vår
- Emnekode
- NOFI303
- Undervisningsspråk
- Engelsk. Undervisninga gjevast på engelsk, norsk, dansk, svensk etter behov og i samråd med studenten. For vurderinga sjå nedanfor.
- Ressursar
- Timeplan
Emnebeskrivelse
Mål og innhold
NOFI303 omfattar eit tema frå norrøn filologi, anten av språkleg art eller litterær art eller ein kombinasjon av dei to. Tilbodet av tema vil skifte frå semester til semester.
Målet med dette emnet er at studentane skal få høve til ytterlegare fordjuping i norrønt, utover det dei har oppnådd i bachelorstudiet, og at emnet skal vere med på å skape breidd og kontrast i masterstudiet.
Kurset rettar seg mot både bachelor- og masterstudentar, og det kan tas med fleire kurskodar. Desse har til felles at studentane skal skrive ei heimeoppgåve: i NOFI250 ei bacheloroppgåve, i NOFI210 og NOFI300 ei semesteroppgåve, og i NOFI302 ein heimeeksamen. I NOFI303 er det ein presentasjon (20-25 minutt) av eit fagleg tema på kurset. Temaet blir avtalt med faglærar, som også godkjenner presentasjonen.
Ms 1491 — eit islandsk sagamanuskript
Emnet tek for seg sagahandskriftet Ms 1491 i Spesialsamlingane ved Universitetsbiblioteket i Bergen. Ifølgje katalogen vart handskriftet truleg produsert kring 1700 og inneheld sju soger av ulike sjangrar.
Med dette handskriftet som konkret døme vil studentane øve på å lese tekstar i originalspråket og transkribere utdrag, samt utvikle litterære perspektiv på manuskriptet og innhaldet.
Vi vil arbeide med praktisk relevante tema og arbeidsmetodar som katalogisering, handskriftlysing, transkribering og litteraturgjennomgang. I samarbeid med Spesialsamlingane vil vi òg ta opp aspekt som t.d. handsaming, konservering og medialisering av manuskript og anna arkivmateriale, og vi vil jobbe med ulike former for medialisering (utstillingar og digitale format).
Læringsutbytte
Kunnskapar
Kandidaten
- har god kunnskap om det spesifikke temaet i kurset
- har god forståing av temaet i forhold til andre tema i norrønfilologien
- har god innsikt i korleis eit norrønfilologisk tema skal formidlast munnleg i form av ei førelesing
Ferdigheiter
Kandidaten
- kan drøfte og analysere ei norrønfilologisk problemstilling
- kan velje ut og bruke primærkjelder med forstand
- kan søkje etter og hente inn nødvendig sekundærlitteratur
- kan dokumentere kjeldebruken på ein oversiktleg måte, både gjennom referansesystem og gjennom bibliografisk oppstilling
- kan leggje fram og forsvare eit norrønfilologisk tema i ei offentleg førelesing
Generell kompetanse
Kandidaten
- kan uttrykkje seg klart, terminologisk korrekt og velstrukturert om faglege tema
- kan lese faglitteratur på skandinaviske språk og engelsk, har også kompetanse i å lese tekstar på andre språk enn desse
- kan drøfte mellomalderfilologiske problemstillingar og ta sjølvstendig standpunkt
- kan halde fram med kompetanseutvikling og spesialisering på eiga hand
- kan kommunisere med både spesialistar og ålmenta om faglege problemstillingar i norrøn filologi og i ein viss grad frå relaterte felt innanfor mellomalderforskinga
Studiepoeng, omfang
Studienivå (studiesyklus)
Undervisningssemester
Undervisningssted
Krav til forkunnskaper
Anbefalte forkunnskaper
Studiepoengsreduksjon
Ingen
Krav til studierett
Arbeids- og undervisningsformer
Seminar
Undervisninga på masternivå blir organisert som seminar der studentane må delta aktivt og kome med sjølvstendige bidrag til diskusjonen. Det blir venta av studentane at dei utfører dei heimeoppgåvene (skriftlege og/eller munnlege) som blir gjevne som del av undervisninga.
Undervisninga i NOFI303 vil som oftast vere samanfallande med undervisninga i andre NOFI-kurs på 300-nivå, og kan også vere samanfallande med undervisninga i norrønfilologiske tema på 200-nivå. I så fall blir det teke individuelle omsyn til dei behova som studentane har på dei ulike kursa.
Om det melder seg færre enn fem studentar til eit emne, kan instituttet innføre redusert undervisning i samsvar med instituttets retningslinjer for dette på Mitt UiB. På emne der dette kan bli aktuelt, vil studentane få informasjon om det ved semesterstart og før semesterregistreringsfristen 1. februar i vårsemesteret / 1. september i haustsemesteret.
Obligatorisk undervisningsaktivitet
1) Oppmøte på minst 75 % av den oppsette undervisninga.
2) Ein presentasjon (20-25 minuttar) av eit fagleg tema på kurset. Temaet blir avtalt med faglærar, som også godkjenner presentasjonen.
Dei obligatoriske arbeidskrava er berre gyldige i undervisningssemesteret.
Vurderingsformer
Prøveførelesing på 30 minuttar over eit tema frå pensumet på kurset. Førelesinga skal framførast på norsk, dansk, svensk eller engelsk.
Temaet for prøveførelesinga blir fastsett av faglærar og kunngjort to veker før førelesinga skal haldast.
Rett før framføringa skal kandidaten levere ein skriftleg versjon av førelesinga til eksamenskommisjonen.
Etter førelesinga blir det halde ei munnleg drøfting på inntil 15 minuttar mellom kandidaten og eksamenskommisjonen.
Karakteren blir fastsett på grunnlag av prøveførelesinga og den munnlege drøftinga i etterkant.
Førelesinga er offentleg.
Karakterskala
Vurderingssemester
Litteraturliste
NOFI303 har eit pensum på om lag 1000 sider av normal vanskegrad (vekta sider). Det er eigne brøkar for vekting av tekstar i original, i omsetjing og for ulike typar av sekundærlitteratur.
Ei fullstendig litteraturliste blir lagd ut innan 1. desember for det påfølgjande vårsemesteret / innan 1. juli for det påfølgjande haustsemesteret.
Det er høve til å skifte ut delar av denne litteraturen etter avtale med faglærar, men i så fall må den reviderte pensumlista godkjennast av faglærar innan ein frist som blir kunngjord ved opninga av kurset.
Emneevaluering
Hjelpemiddel til eksamen
Under utarbeidinga av prøveførelesinga har studenten uavkorta tilgang til faglege ressursar, innanfor og utanfor pensumet, og er oppmoda om å bruke desse til fulle.
Under framføringa av prøveførelesinga og i den munnlege drøftinga i etterkant er ingen hjelpemiddel tillatne.