Fordjupingsemne i allmenn og nordisk litteraturvitskap

Emnet har som mål å gi studenten ei grundig innføring i eit avgrensa temaområde innafor nordisk og allmenn litteraturvitskap. Det skal gi kunnskapar og kompetanse som går ut over det studentane har tileigna seg på 100-nivå.

Tema for emnet vil variere frå semester til semester. Emnet kan gi tilbod om fordjuping i t.d. retorikk, kjønn, ein sjanger, ein forfattarskap, ein litterær tradisjon, epoke, osb., avhengig av aktuell forsking og undervisar.

Tema for kvart semester vil bli oppdatert i emneplanen på uib.no innan frist for publisering av litteraturlister.

Studenten skal ved avslutta emne ha følgjande læringsutbytte:

Studenten har

• brei og inngåande kjennskap til skjønnlitteraturen på pensumet
• god kjennskap til sentrale poeng i fagtekstane og dei grunnleggjande argumentasjonsformene i dei
• oversyn over relevant forsking innanfor emneområdet
• kunnskap om sentrale forskingsproblem knytt til emneområdet

Studenten kan

• vise sjølvstendig evne til å utvikle, avgrense og formulere fruktbare litteraturvitskaplege problemstillingar
• demonstrere ferdigheiter i å analysere verk og litteraturteori, i tillegg til å posisjonere forskingslitteraturen litteraturvitskapleg
• velje ut og vurdere bruken av teori i eigne konklusjonar

Studenten er i stand til å

• skrive sjølvstendige fagtekstar innanfor eit avgrensa fagområde
• grunngi valet og bruken av omgrep og metodar i eige tekstarbeid
• velje ut relevant teori knytt til eit forskingsområde