Fjernord: Norsk språk 2

Emnet har som mål å gi studentane eit felles utgangspunkt for studiet av norsk som eit resultat av historisk utvikling og geografisk og sosial variasjon i moderne norsk. Emnet skal bidra med kunnskap som er naudsynt for norsklærarar, språkkonsulentar og andre som utøver yrke der gode norskspråklege kvalifikasjonar er eit krav. Norsk skal òg studerast i samanlikning med dei andre nordiske språka (dansk, færøysk, islandsk og svensk).

Emnet har fire tema:

(1) grunnleggande språklydlære og grammatikk

(2) norsk språkhistorie

(3) geografisk og sosial talemålsvariasjon

(4) andre nordiske språk

Studiet av språkhistoria skal gi innsikt i framveksten av munnleg og skriftleg norsk. Det omfattar eit mindre studium av norrønt språk som bakgrunn for å forstå dei seinare utviklingane.

Studiet av talemålsvariasjon skal gi innsikt i dagens språksituasjon på ein historisk bakgrunn. Studiet av dei andre nordiske språka skal gi oversyn over noverande språktilhøve og utvalde forskjellar og likskapar mellom språka.

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap

Studenten

•har grunnleggande kunnskap om språklydlære og grammatikk

•har kunnskap om den språkhistoriske utviklinga (lydlære, rettskriving, grammatikk, ordtilfang) fram til moderne norsk tale og skrift

•har brei kunnskap om geografisk og sosial variasjon i norsk

•har grunnleggande kunnskap om dei andre nordiske språka

Ferdigheiter

Studenten

•kan bruke kunnskapane i praktiske oppgåver med språkleg materiale

•kan bruke hjelpemiddel til å omsette ukjend tekst frå andre nordiske språk til norsk og kommentere grammatiske og leksikalske utfordringar i omsettinga

•skriv nynorsk korrekt og godt

Generell kompetanse

Studenten

•kan lese og orientere seg i språkfagleg litteratur

•har innsikt i etiske problemstillingar knytte til tekstar og språkleg materiale

•kan delta i kunnskapsbaserte diskusjonar om nordiske språk