Grunnkurs i skriftleg og munnleg russisk

Emnet har som mål å gje ei elementær innføring i hovudtrekka i russisk språk og realia og skal danne eit godt grunnlag for vidare studium i russisk.

Kurset kan også komme til nytte i ei rekkje andre studium, yrke og yrkeskombinasjonar.

For studentar som ikkje kan dokumentere kunnskapar tilsvarande RUS100 eller har greidd den fagdiagnostiske testen som blir arrangert i byrjinga av kvart semester, er RUS100 eit obligatorisk emne for å kunne ta vidare studium innan russisk bachelor (RUS120, RUS121, RUS130, RUS131, RUSPZ132, RUS240 og RUS251).

For meir info om bachelorprogrammet i russisk, sjå studieplanen.

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap

Studenten

• har tileigna seg det kyrilliske alfabetet, også i handskrift, og eit elementært vokabular.
• har kunnskapar om hovudtrekka i russisk uttale og grammatikk.
• har basiskunnskapar om russiske realia.

Ferdigheiter

Studenten

• kan lese, forstå, omsetje og gjere greie for innhaldet i enkle, adapterte tekstar munnleg.
• kan føre enkle samtalar på russisk.
• kan gjere greie for grunnleggjande fenomen i russisk grammatikk og vise at han/ho også meistrar desse i praksis, både munnleg og skriftleg.

Generell kompetanse

Studenten

• er godt budd til vidare studium i russisk.