Praksisopphald

Mål:

Emnet har som mål å gi studenten erfaringsbasert innsikt i korleis berekraft spelar seg ut i ei konkret verksemd eller annan organisasjon. Emnet skal gi innsikt i berekraftsrelaterte behov i organisasjonen, og tene som utgangspunkt for studentens eigen refleksjon over forholdet mellom teori og praksis. Studenten skal bidra med berekraftsperspektiv i organisasjonen, og ikkje berre delta i daglege gjeremål. Arbeidet med å bringe inn berekraftsperspektiv skal gjerast greie for i ei eiga praksisavtale. Praksisopphaldet vil førebu studentane på arbeidslivet, og røynsle og observasjonar frå opphaldet vil gi innhald til masteroppgåva i emnet SDG351 Masteroppgåve (30 studiepoeng).

Innhald:

Gjennom observasjon, samhandling, rettleiing og praktisk utøving skal studentane få innblikk i korleis berekraftsutfordringar løysast praktisk i verksemder og andre organisasjonar.

Studenten gjennomfører ein plan for å bringe inn berekraftsperspektiv i ein organisasjon etter eiga praksisavtale og deltek samtidig i daglege arbeidsoppgåver der ho/han er utplassert. Studenten skal òg ta feltnotatar og samle dokumentasjon til bruk i SDG351.

Studenten skal ved avslutta emne ha følgjande læringsutbytte:

Kunnskap

Studenten kan:

• gjere greie for berekraftsproblem i ein praktisk samanheng
• gjere greie for dei spesifikke utfordringane knytt til berekraft i ein organisasjon eller bedrift

Ferdigheiter

Studenten kan:

• reflekter over samanhengen mellom teoretiske berekraftsperspektiv og berekraftsarbeid i praksis
• gjere greie for utfordringar og moglegheiter knytt til arbeid i tverrfaglege team

Generell kompetanse

• Studenten kan bidra til å løse problemer i samarbeid med andre på arbeidsplassen