Studieplan for VID-MAUKON Erfaringsbasert master i undervisning om kontroversielle tema med fordypning i historie eller religion, vår 2026
Omfang og studiepoeng
90 studiepoeng
Namn på grad
Erfaringsbasert master i undervisning om kontroversielle tema med fordjuping i historie eller religion
Fulltid/deltid
Deltid 50%
Undervisningsspråk
Norsk
Studiestart - semester
Haust
Mål og innhald
Målet med programmet er å vidareutvikle studentane sin kompetanse i å undervise om kontroversielle tema i skulen. Sidan studentane har praksis frå skulen, og studiet har ei innretning som er knytt til undervisning og læring, vil ei overordna målsetjing for studiet vere å byggje bru mellom lærarane sin erfaringskunnskap og den forskingsbaserte, fagdidaktiske kunnskapen i undervisning om kontroversielle tema.
Gjennom masterstudiet skal studentane tileigne seg teoretisk og erfaringsbasert kunnskap og ferdigheiter som bidreg til å utvikle deira kompetanse i å undervise om kontroversielle tema i skulen.
Studiet vil gi ei innføring i relevante vitskaplege arbeidsmåtar og forskingsmetodar, og inneheld trening i sjølvstendig arbeid med faglege oppgåver.
Gjennom studiet skal studentane få høve til å utvikle ei meir sjølvstendig og kritisk haldning til kva som er kontroversielt, kvifor noko blir kontroversielt, og korleis skulen bør handtere tema som vekkjer sterke kjensler og reaksjonar hos elevane. Studiet skal òg gi ei grunnleggjande forståing av skulen si rolle som arena for meiningsbryting og kritisk tenking.
I studiet vert det lagt vekt på å utvikle kompetanse til vidare fagleg og profesjonell utvikling, slik at studentane kan bidra til å vidareutvikle skulen som eit profesjonelt læringsfellesskap. Såleis er det eit mål å fremje kritisk refleksjon og samtalekulturar kring fag, undervisning og læring.
Studiet er bygd opp som tre innleiande emne på 15 studiepoeng per emne, etterfølgt av ei forskingsbasert masteroppgåve på 45 studiepoeng. Studentane kan velje om dei vil ha ei religionsvitskapleg, historisk eller fagdidaktisk innretning på oppgåva.
Læringsutbyte
Kandidaten skal ved avslutta program ha følgjande læringsutbytte definert i kunnskap, ferdigheiter og generell kompetanse:
Kunnskap
Kandidaten:
• har avanserte kunnskapar om kva som blir opplevd som kontroversielle tema i ulike samanhengar i tid og rom.
• har inngåande kunnskapar om konkrete kontroversielle tema i historie- og religionsfaga, om kva som kjenneteiknar slike tema, og om kvifor og i kva kontekstar dei kan vekkje usemje og bli oppfatta som kontroversielle.
• har kunnskapar om teoretiske perspektiv og empiriske døme på undervisning i kontroversielle tema 76 • har kunnskap om relevant forskingsmetode og teori. • kan bruke kunnskap om kontroversielle tema på nye område innanfor fagområdet
Ferdigheiter
Kandidaten:
• kan reflektere over undervisning om kontroversielle tema.
• kan setje eiga undervisning om sensitive, emosjonelle og polariserande tema i perspektiv.
• kan nytte ulike didaktiske strategiar og undervisningsmetodar i arbeid med kontroversielle tema i klasserommet.
• kan nytte relevante vitskaplege og faglege metodar på ein sjølvstendig måte.
• kan gjennomføre eit sjølvstendig, avgrensa forskingsprosjekt i tråd med gjeldande forskingsetiske normer.
Generell kompetanse
Kandidaten:
• har avansert forståing for samanhengen mellom kontroversielle tema i undervisninga og samfunnet elles.
• kan analysere relevante fag-, yrkes- og forskingsetiske problemstillingar knytt til undervisning om kontroversielle tema
• kan utarbeide sjølvstendige analysar og utvikle prosjekt i tråd med gjeldande forskingsetiske normer.
• har kompetanse i vitskapleg diskusjon og kommunikasjon, både skriftleg og munnleg.
Opptakskrav
Fullført og bestått lærarutdanning som kvalifiserer for undervisning i grunnopplæring og/eller vidaregåande opplæring. Du må i tillegg ha minst 60 studiepoeng i anten historie, religion/KRLE eller samfunnsfag eller tilsvarende. Det er mogleg å ha en kombinasjon av studiepoeng i historie, religion/KRLE og samfunnsfag.
Studiet er eit vidareutdanningstilbod, og det er krav om minst 2 års relevant undervisningserfaring frå skulen.
Tilrådde forkunnskapar
-
Innføringsemne
Det er ingen innføringsemne til masterstudiet.
Obligatoriske emne
KONMAU600 - Undervisning i kontroversielle tema (15 studiepoeng)
KONMAU601 - Casestudier i kontroversielle tema (15 studiepoeng)
KONMAU602 - Teori, metode og prosjektskisse (15 studiepoeng)
KONMAU650 - Masteroppgåve (45 studiepoeng)
Tilrådde valemne
-
Rekkefølgje for emne i studiet
Studiet er organisert som eit deltidsstudium der føresetnaden er at studentar tek 15 studiepoeng kvart semester.
- semester (haust)
KONMAU600 (15 studiepoeng) - semester (vår)
KONMAU601 (15 studiepoeng) - semester (haust)
KONMAU602 (15 studiepoeng) - til 6. semester (vår, haust, vår)
KONMAU650 (45 studiepoeng)
Delstudium i utlandet
-
Arbeids- og undervisningsformer
Undervisinga er samlingsbasert og hybrid med tre samlingar per semester. Arbeidsformene er varierte, med forelesingar, seminar, gruppeoppgåver og rettleiing.
Vurderingsformer
Semesteroppgåve, mappeoppgåve, munnleg eksamen. For nærmare informasjon om vurderingsformer, sjå emneplanane for dei einskilde emna.
Vitnemål og vitnemålstillegg
Vitnemål blir skrive ut etter at graden er fullført.
Karakterskala
Det vert nytta karakterskala A-F og bestått/ikkje bestått.
Grunnlag for vidare studium
Fullført mastergrad kan gi kompetanse for vidare studium på ph.d.-nivå.
Relevans for arbeidsliv
Fullført og greidd studium, i kombinasjon med tidlegare utdanning, gir lektorkompetanse.
Evaluering
Masterprogrammet blir kontinuerleg evaluert i tråd med retningslinene for kvalitetssikring ved UiB. Emne- og programevalueringar finn ein på kvalitetsbasen.uib.no
Skikkavurdering og autorisasjon
Programmet har ikkje krav om skikkavurdering eller autorisasjon.
Programansvarleg
Utval for undervisning og internasjonalisering ved Institutt for arkeologi, historie, kultur- og religionsvitskap har ansvar for fagleg innhald og oppbygging av studiet og for kvaliteten på studieprogrammet.
Administrativt ansvarleg
Det humanistiske fakultet v/ Institutt for arkeologi, historie, kultur- og religionsvitskap har det administrative ansvaret for studieprogrammet.
Kontaktinformasjon
Telefon: 55 58 23 00