Informatikk: datasikkerhet (bachelor)

I løpet av utdanninga lærer du om dei vanlegaste sikkerheitsutfordringane og sårbarheitene i data- og kommunikasjonssystem. Du får erfaring med ulike metodar og programvarer for å utvikle robuste og sikre system mot desse utfordringane. 

Bachelorstudiet i informatikk: datasikkerheit er eit studium på fulltid, det vil seie at du bruker om lag like mykje tid på studia som på ein full jobb. 

I løpet av ei typisk veke vil du ha seks forelesingar og tre seminargrupper. Undervisninga og litteraturen er på norsk og engelsk. Vi held til på Høyteknologisenteret, der vi har eigne lesesalar for informatikkstudentar. Her kan du studere aleine eller saman med medstudentar. Du kan òg sitte på Realfagsbiblioteket. 

Studentane på Institutt for informatikk har ei eiga linjeforeining som blant anna organiserer faglege og sosiale arrangement. 

Det er stor mangel på spesialistar innan IT-sikkerheit, så det er gode mogelegheiter til å få jobb med denne utdanninga, både i Noreg og i utlandet. Du kan for eksempel jobbe med  

• etisk hacking
• militær eller nasjonal sikkerheit
• konsulentverksemd
• utvikling av sikre datasystem 

I primær kvote tel berre karakterpoeng og realfagspoeng/språkpoeng. Søkarar som ikkje fyller meir enn 21 år i opptaksåret og har eit førstegongsvitnemål, søker i denne kvota.

I ordinær kvote tel også forbetringar av fag, alderspoeng og tilleggspoeng. Du søker i alle kvotane du er kvalifisert for.

Generell studiekompetanse i tillegg til Matematikk R1 eller S1 og S2.

Undervisningsspråk: Norsk

1. semester

INF140 - Introduksjon til datatryggleik (10 studiepoeng)   

INF100 - Innføring i programmering (10 studiepoeng)   

MAT111 - Grunnkurs i matematikk I (10 studiepoeng) eller 
MAT101 - Brukarkurs i matematikk I (10 studiepoeng) 

2. semester

INF142 - Datanett (10 studiepoeng)   

INF101 - Vidaregåande programmering (10 studiepoeng)   

MNF130 - Diskrete strukturar (10 studiepoeng)   

3. semester 

STAT110 - Grunnkurs i statistikk (10 studiepoeng)   

INF102 - Algoritmar, datastrukturar og programmering (10 studiepoeng)

INF113 - Innføring i operativsystem (10 studiepoeng)   

4. semester

INF143A - Anvendt kryptografi (10 studiepoeng)   

Examen philosophicum - enten seminarmodell eller skoleeksamen (10 studiepoeng) 

MAT121 - Lineær algebra (10 studiepoeng)   

5. semester 

INF249 - Avansert cybersikkerheit 10 studiepoeng) 

INF214 - Multiprogrammering (10 studiepoeng)   

INF226 - Programvaresikkerheit (10 studiepoeng)   

6. semester

Valemne (10 studiepoeng) 

Valemne (10 studiepoeng) 

Valemne (10 studiepoeng) 

Benytt sjansen til å studere eit år eller halvår ved eit anna universitet i utlandet. Vi anbefaler at du reiser på utveksling i det sjette semesteret. Du kan reise til våre samarbeidsuniversitet i Austerrike, Spania, Tyskland eller ein annan plass. 

Sjå anbefalte utvekslingsavtalar

Etter bachelorprogrammet kan du ta eit toårig masterprogram i programutvikling eller informatikk. Vel mellom sju studieretningar – herunder sikker og påliteleg kommunikasjon – eller masterprogram i programutvikling ved Institutt for informatikk. 

Studieplan for Bachelorprogram i informatikk: datasikkerheit