Studieplan for MAHF-NOFI Masterprogram i norrøn filologi, høst 2026
Omfang og studiepoeng
120 studiepoeng
Namn på grad
Master i norrøn filologi
Fulltid/deltid
Programmet er organisert som eit fulltidsstudium, men kan etter søknad også takast som eit 50 % deltidsstudium.
Undervisningsspråk
Engelsk. Rettleiinga blir gjeven på engelsk, norsk, dansk, svensk, islandsk eller tysk. For eksamen, sjå nedanfor under Vurderingsformer.
Studiestart - semester
Haust og vår
Mål og innhald
Studiet i norrøn filologi skal kvalifisere kandidatane til forsking, undervisning og formidling i norrøn filologi og tilstøytande emne. Studiet har som mål å formidle vitskapleg teori og metode og historia til faget, og dei studerande skal under studiet utvikle ei sjølvstendig og kritisk haldning til kjeldemateriale og vitskaplege framstillingar.
Studiet er eit forskingsretta studium med høve til konsentrasjon kring språklege, litterære eller kulturhistoriske emne - t.d. diakrone eller synkrone språklege emne, saga- og lærdomslitteratur, norrøn mytologi og religion eller nordisk faglitteratur i mellomalderen og tidleg moderne tid. Samtidig skal studiet gjennomførast innanfor eit breitt og interdisiplinært fagspektrum, t.d. i samband med studiar i mellomalderlatin. Studiet skal gje kandidatane grunnlag for å halde fram med kompetanseutvikling og spesialisering på eiga hand.
Læringsutbyte
Kunnskap
Kandidaten
- har avansert kunnskap om historia til den norrøne litteraturen og dei systematiske hovudområda i den norrøne filologien
- har spesialiserte kunnskapar innanfor eige spesialfelt (masteroppgåva)
- har avansert kunnskap om mellomalderfilologiske teoriar og forskingsmetodar
- har god forståing for dei vitskapsteoretiske problemstillingane i norrøn filologi
- kjenner til den aktuelle debatten om sentrale problemstillingar innanfor norrøn filologi
- har grunnleggjande kjennskap til forskings- og yrkesetiske spørsmål innanfor filologi og mellomalderforsking
Ferdigheiter
Kandidaten
- kan planleggje og gjennomføre eit større sjølvstendig forskingsprosjekt innanfor norrøn filologi under rettleiing
- kan bruke aktuelle teoriar og metodar til sjølvstendig forsking innanfor fagområda i den norrøne filologien
- kan analysere og granske kritisk etablerte mellomalderfilologiske teoriar, metodar og forståingsrammer
- kan analysere og ha ei kritisk haldning til både norrøne kjeldetekstar og vitskaplege arbeid om dei
- kan formidle innsikt i alle grunnleggjande delar av den norrøne filologien, både språklege og litterære emnee
Generell kompetanse
Kandidaten
- kan uttrykkje seg klart, terminologisk korrekt og velstrukturert om faglege emne, både skriftleg og munnleg
- kan lese faglitteratur på skandinaviske språk og engelsk, har også kompetanse i å lese tekstar på andre språk enn desse
- kan drøfte mellomalderfilologiske problemstillingar og ta sjølvstendig standpunkt
- kan halde fram med kompetanseutvikling og spesialisering på eiga hand
- kan kommunisere med både spesialistar og ålmenta om faglege problemstillingar frå norrøn filologi og i ein viss grad frå relaterte felt innanfor mellomalderforskinga
Opptakskrav
Masterprogrammet i norrøn filologi byggjer på ein bachelorgrad med minst 80 studiepoeng fagleg fordjuping i eit fag som er relevant for norrøn filologi og derav 60 studiepoeng i norrøn filologi eller tilsvarande.
Bachelorgrad frå UiB som kvalifiserer:
- Bachelorgrad i norrøn filologi
- Bachelorgrad i nordisk med spesialisering i norrøn filologi
Andre bachelorgradar som kvalifiserer:
- Andre bachelorgradar somhistorie, arkeologi, nordisk, klassisk filologi, kunsthistorie vil normalt kvalifisere dersom du har minst 60 studiepoeng i norrøn filologi, nordisk eller andre mellomalderstudium, t.d. ved å ha teke dei to norrøne emnepakkane på 30 studiepoeng kvar (“Språk, litteratur og mytologi i vikingtid og mellomalder”, 1 and 2) og dokumentert kunnskap i norrønt språk.
Du må også ha:
- Snittkarakter på minimum C i emna du får opptak på grunnlag av.
- Språkkravet i engelsk for dette studieprogrammet dekker du med generell studiekompetanse, anten på grunnlag av norsk vidaregåande skule eller på annan måte.
Tilrådde forkunnskapar
Ingen.
Obligatoriske emne
NOLISP300 Nordisk: Prosjektførebuande emne (15 stp.)
NOFI300 Norrøn filologi særemne I (15 stp.)
NOFI302 Norrøn filologi særemne II (15 stp.)
NOFI303 Norrøn filologi særemne III (15 stp.)
NOFI350 Norrøn filologi masteroppgåve (60 stp.)
Tilrådde valemne
Ingen
Rekkefølgje for emne i studiet
1. semester (haust/vår):
2. semester (haust/vår):
eitt av desse emna: NOFI302, NOFI303
3. semester (haust/vår):
eitt av desse emna: NOFI302, NOFI303
2. til 4. semester:
Delstudium i utlandet
Det er mogleg å ta delar av studiet ved institusjonar i utlandet.
Nærare informasjon hos studierettleiar.
Tilrådde utvekslingsstader er mellom anna Universitetet i København og Universitetet i Reykjavík (Háskóli Íslands).
Arbeids- og undervisningsformer
Undervisninga har form av førelesingar og seminar der det er forventa at studentane deltek aktivt. På somme emne har studentane ansvar for avgrensa delar av undervisninga eller for å lage kortversjonar av pensum til deling med medstudentar (som obligatorisk aktivitet).
Rettleiing på semesteroppgåver og på masteroppgåva.
Vurderingsformer
rettleidde semesteroppgåver (skal skrivast på engelsk, norsk, dansk, svensk, islandsk eller tysk)
rettleidde masteroppgåver (skal skrivast på engelsk, norsk, dansk, svensk, islandsk eller tysk)
munnlege eksamenar (kandidaten kan bruke engelsk, norsk, dansk eller svensk)
heimeeksamenar (skal skrivast på engelsk, norsk, dansk, svensk, islandsk eller tysk)
prøveførelesingar (kandidaten kan bruke engelsk, norsk, dansk eller svensk)
Vitnemål og vitnemålstillegg
Vitnemål blir skrive ut etter at graden er fullført.
Karakterskala
A-F.
Grunnlag for vidare studium
Mastergrad i norrøn filologi kan gi grunnlag for opptak til ph.d-studium.
Relevans for arbeidsliv
Masterprogrammet i norrøn filologi kvalifiserer mellom anna for arbeid innanfor undervisning og opplæring, informasjonsverksemd og kulturformidling, og for arbeid ved forskingsinstitusjonar på høgare nivå. Ein master i norrøn filologi er eit godt grunnlag for den som får administrative oppgåver knytte til analyse, saksbehandling, rettleiing og rådgjeving. Studiet kvalifiserer til arbeid i både offentlig administrasjon (t.d. i kulturforvaltning og -formidling, museum, bibliotek og arkiv) og i det private næringslivet (t.d. i mediebransjen).
Evaluering
Masterprogrammet blir kontinuerleg evaluert i tråd med retningslinene for kvalitetssikring ved UiB. Emne- og programevalueringar finn ein på kvalitetsbasen.uib.no
Programansvarleg
Programstyret har ansvar for fagleg innhald og oppbygging av studiet og for kvaliteten på studieprogrammet.
Administrativt ansvarleg
Det humanistiske fakultetet ved Institutt for lingvistiske, litterære og estetiske studium har det administrative ansvaret for studieprogrammet.
Kontaktinformasjon
studierettleiar@lle.uib.no