Studieplan for PPU-MUS PPU i kunst, musikk og design, vår 2026

Omfang og studiepoeng

Praktisk-pedagogisk utdanning i kunst, musikk og design har eit omfang på 60 studiepoeng og er normert til eitt år.

Fulltid/deltid

Fulltid/deltid

Undervisningsspråk

Norsk

Studiestart - semester

Haust

Mål og innhald

Praktisk-pedagogisk utdanning (PPU) ved Fakultet for kunst, musikk og design (KMD) er eit årsstudium som gir formell undervisingskompetanse i faga kunst, musikk eller design. Studiet bygger på fullført BA i utøvande og skapande musikk, komposisjon, kunst og design.

Utdanninga har eit omfang på 60 studiepoeng og vert tilbydd både som fulltidsstudium over eit år og deltidsstudium over to år. PPU ved KMD byggjer på Forskrift om rammeplan for praktisk-pedagogisk utdanning, fastsett av Kunnskapsdepartementet 21.12.2015 og Nasjonale retningslinjer for PPU-A, fastsett av Nasjonalt råd for lærarutdanning 16.2.2017.

Praktisk-pedagogisk utdanning kvalifiserer for undervisingsarbeid i grunnskule, vidaregåande opplæring og kulturskule. I tillegg kvalifiserer utdanninga for undervising og formidling på andre relevante og aktuelle læringsarenaer.

Utdanninga omfattar pedagogikk, fagdidaktikk og praksis. Pedagogikkundervising er felles. Det vert gjeve fagspesifikk undervising i musikkdidaktikk og kunst- og designdidaktikk. Praksis kan gjennomførast i samanhengande periodar i grunnskulen sitt 5.-10. trinn, den vidaregåande skulen, kulturskulen og på andre relevante praksisarenaer.

Undervisinga er fagleg forankra i dei samansette arbeids- og kunnskapsformene som kunstnarar, musikarar og designarar praktiserer.

Fagdidaktikk handlar her om alle tilhøve som vedkjem undervising og læring i utøvande/skapande musikk eller kunst og design. Undervising i fagdidaktikk gir grunnlag for å planlegge, gjennomføre, vurdere og reflektere kring undervisingspraksis; tufta på forsking, kunstfagleg utviklingsarbeid, erfaringskunnskap og teori.

Didaktisk kompetanse inneber kunnskapar og ferdigheiter i det å planlegge, gjennomføre og vurdere opplæring. Dette føreset mellom anna evne til å analysere og reflektere omkring mål for opplæringa, innhald i læreplanar, elevføresetnader, vurdering og rammene for undervisinga.

Pedagogikk handlar om korleis vi lærer og utviklar oss i samspel med kultur og samfunn. Kjernen i faget er læring, undervising og danning. Undervisinga i pedagogikk gir forståing for eleven, lærarrolla og skulen sitt samfunnsmandat og dannar grunnlaget for utviklinga av eigen læraridentitet.

Undervisinga i PPU skal vere profesjonsretta, forskings- og utviklingsbasert og engasjere studenten i vitskapelege og kunstfaglege arbeidsformer og i kritisk tenking.

Dei fire obligatoriske emna PPU1, PPU2, PPU3 og PPU4 er felles for alle studentane og inneheld både undervising i pedagogikk og didaktikk. Undervisinga i pedagogikk er felles, mens undervisinga i didaktikk er delt i musikk og kunst/design.

Omgrepa «kunst» / «kunstfag» eller liknande, er brukt som samla omgrep for kunst, musikk og design dersom det ikkje er særleg spesifisert at det gjeld for berre ein av fagretningane.

Studentane har minimum 60 dagar praksis. Sjå eigne emneplanar for praksis.

Læringsutbyte

Kandidaten skal ved avslutta program ha følgande læringsutbyte:

Kunnskap

Kandidaten…

  • har brei fagdidaktisk og pedagogisk kunnskap for relevante kunstpedagogiske praksisar
  • kjenner mandata og verdigrunnlaga til skulen og andre arenaer for kunstopplæring
  • har kunnskap om gjeldande lov- og planverk, og evne til å halde seg oppdatert
  • har brei kunnskap om barne- og ungdomskultur
  • har brei kunnskap om utviklinga og læringa til barn og ungdom i ulike sosiale og kulturelle samanhengar
  • har kunnskap om korleis kunstfag er knytt til identitetsskapinga hjå barn og unge
  • har inngåande kunnskap om undervising og læring i grunnskule, kulturskule, vidaregåande opplæring, og i andre relevante kunst- og musikkpedagogiske verksemder
  • har breikunnskap om barn og unge i vanskelege livssituasjonar, medrekna kunnskap om vald og seksuelle overgrep
  • har brei kunnskap om og forståing for eit felles verdigrunnlag om demokrati, kulturelt og sosialt mangfald, berekraftig utvikling, likestilling og likeverd

Dugleikar

Kandidaten…

  • kan, med utgangspunkt i gjeldande læreplanar og vedtekter, planlegge, gjennomføre, vurdere, og reflektere over undervising; tufta på forsking, kunstfaglege utviklingsarbeid og erfaringskunnskap
  • kan skape gode læringssituasjonar; kjenneteikna ved dialog, toleranse, respekt og omsorg for elevane
  • kan leie og legge til rette for variert og differensiert undervising, som fører til gode kunstfaglege og sosiale læringsprosessar.
  • kan praktisere fleirkulturell forståing og toleranse for mangfald, og har medvit om spørsmål knytt til medborgarskap i utøvande og skapande undervising og læring
  • kan skildre kjenneteikn på kompetanse, kan vurdere og dokumentere elevar si læring, og gje tilbakemeldingar som fremmar læring og medverkar til at elever kan reflektere over eiga læring
  • kan bygge relasjonar til elevar og føresette, og samarbeide med aktørar som er relevante for skuleverket

Generell kompetanse

Kandidaten..

  • kan formidle kunstpedagogiske og kunstfagdidaktiske problemstillingar på eit avansert nivå
  • har ei profesjonell haldning, og kan reflektere kritisk over kunstfaglege, profesjonsetiske og utdanningspolitiske spørsmål
  • kan med stor grad av sjølvstende vidareutvikle eigen kompetanse og medverke i utviklinga til kollegaar, skular og andre kunstpedagogiske felt

Opptakskrav

Opptak til Praktisk-pedagogisk utdanning i kunst, musikk og design bygger på en oppnådd bachelorgrad i utøvende eller skapende kunst, musikk eller design.

I Forskrift om rammeplan for praktisk-pedagogisk utdanning er det å lese:

§ 6.Opptak

For å bli tatt opp til praktisk-pedagogisk utdanning (i kunst, musikk og design), må søker ha:

  • en mastergrad som inneholder minst ett relevant fag som gir kompetanse til å undervise, jf. forskrift 23. juni 2006 nr. 724 til opplæringslova kapittel 14, eller
  • en bachelorgrad i utøvende eller skapende kunstfag i finansieringskategori A eller B, med minimum 180 studiepoeng i kunstfaget …

Studiet kan inngå i bachelorprogrammet i utøvende musikk eller komposisjon ved Griegakademiet som del av tredje og fjerde studieår på programmet.

Søkere rangeres da i følgende prioriterte grupper:

  1. Interne studenter med studierett på BAHF-MUS som kan dokumentere 120 studiepoeng, som vil ta PPU som valgemne i 3. og 4. studieår.
  2. Søkere med fullført bachelorgrad OG mastergrad i utøvende musikk eller komposisjon
  3. Søkere med fullført 4-årig bachelorgrad i utøvende musikk eller komposisjon
  4. Søkere med fullført 3-årig bachelorgrad i utøvende musikk eller komposisjon

    5. Språkkrav

    Søkere til Praktisk-pedagogisk utdanning i kunst, musikk og design må beherske et nordisk språk for å være kvalifisert for opptak. Søkere fra land utenfor Norden må dokumentere kunnskap i norsk språk for å være kvalifisert for opptak.

    Obligatoriske emne

    Fire emne er obligatorisk for alle studentane på PPU-KMD:

    • KMDPPU1 Praktisk-pedagogisk utdanning 1
    • KMDPPU2 Praktisk-pedagogisk utdanning 2
    • KMDPPU3 Praktisk-pedagogisk utdanning 3
    • KMDPPU4 Praktisk-pedagogisk utdanning 4

    I tillegg kjem emne for fagspesifikk praksisopplæring (ut ifrå studieretning og heiltid/deltid):

    • KDPRA210 Praksis for Praktisk-pedagogisk utdanning, kunst og design (heiltid)
    • KDPRA211 Praksis for Praktisk-pedagogisk utdanning, kunst og design (deltid)
    • MUPRA210 Praksis for Praktisk-pedagogisk utdanning, musikk (heiltid)
    • MUPRA211 Praksis for Praktisk-pedagogisk utdanning, musikk (deltid)

    Rekkefølgje for emne i studiet

    Fulltid

    1. semester:

    KMDPPU1 Praktisk-pedagogisk utdanning 1

    KMDPPU3 Praktisk-pedagogisk utdanning 3

    MUPRA210 Praksis for PPU musikk eller KDPRA210 Praksis for PPU kunst og design

    2. semester:

    KMDPPU2 Praktisk-pedagogisk utdanning 2

    KMDPPU4 Praktisk-pedagogisk utdanning 4

    MUPRA210 Praksis for PPU musikk eller KDPRA210 Praksis for PPU kunst og design

    Deltid

    1. semester:

    KMDPPU1 Praktisk-pedagogisk utdanning 1

    MUPRA211 Praksis for PPU musikk eller KDPRA211 Praksis for PPU kunst og design

    2. semester:

    KMDPPU2 Praktisk-pedagogisk utdanning 2

    MUPRA211 Praksis for PPU musikk eller KDPRA211 Praksis for PPU kunst og design

    3. semester:

    KMDPPU3 Praktisk-pedagogisk utdanning 3

    MUPRA211 Praksis for PPU musikk eller KDPRA211 Praksis for PPU kunst og design

    4. semester:

    KMDPPU4 Praktisk-pedagogisk utdanning 4

    MUPRA211 Praksis for PPU musikk eller KDPRA211 Praksis for PPU kunst og design

    Arbeids- og undervisningsformer

    Undervisinga omfattar fellesundervisning, smågruppeundervising, seminar, workshop, individuell rettleiing og kontinuerleg rettleia praksisopplæring. Studentaktive arbeids- og undervisingsformer vert vektlagde.

    Fellesundervisninga i pedagogikk og didaktikk er på dagtid. Praksis følgjer timeplan til tildelt praksislærar og kan difor gjennomførast på dag- og kveldstid, men og i helger i samband med konsertar og prosjekt.

    Praksisopplæringa omfattar arbeidsinnsats tilsvarande 60 arbeidsdagar og skal ha kontinuerleg rettleiing i autentiske yrkessituasjonar med elevar. Praksis skal vere allsidig, med stigande krav til sjølvstende og ansvar, frå observasjon via medlærarpraksis til sjølvstendig undervising. Opplæringa kan vere individuell, i par eller i grupper, og vil samla omfatte einskildelevar og ulike grupperingar i både obligatorisk skule og sjølvvald opplæring. Erfaringar frå praksis skal studentane drøfte og reflektere over skriftleg og munnleg i arbeidet med pedagogikk og fagdidaktikk.

    All undervising og praksis er obligatorisk, sjå emneplanane og praksisinformasjonsside for spesifikasjon. Fråvær på meir enn 20 % fører normalt til tap av eksamensretta (praksis har krav om 100% frammøte).

    Obligatoriske undervisingsaktivitetar er spesifiserte for kvart emne og må vere godkjende før eksamen. Gjennomførte obligatoriske undervisingsaktivitetar er gyldige i to semester.

    Vurderingsformer

    Studenten sitt arbeid vert vurdert i høve til programmet og emna. Vurdering og eksamensformer er spesifisert i kvar emneplan. Grunnlaget for vurderingar kan vere skriftlege oppgåver, munnlege framføringar, praktiske øvingar eller kunstfaglege svar på oppgåver.

    Etter kvar praksisperiode skal studenten ha ei skriftleg uformell vurdering i tillegg til den formelle vurderinga.

    Vitnemål og vitnemålstillegg

    Vitnemål vert skrive ut etter at studieprogrammet er fullført.

    Karakterskala

    Ved sensur av emna i programmet kan det bli nytta ein av to karakterskalaer:

    • Bokstavkarakterar med skalaen A, B, C, D, E, F
    • «Bestått» / «Ikkje bestått»

Sjå emneplanen for det einskilde emnet.

Relevans for arbeidsliv

Praktisk-pedagogisk utdanning kvalifiserer for arbeid i grunnskule, vidaregåande opplæring, kulturskule og andre relevante praksisarenaer.

Etter fullført utdanning kan kandidatane arbeide med elevgrupper innanfor eit stort aldersspenn med eit vidt spekter av evner, interesser, og sosial og kulturell bakgrunn. Som lærarar har dei innsikt i elevane sitt oppvekstmiljø og livssituasjon, og kan tilpasse opplæringa til den einskilde elev. Dei kan samarbeide med kollegaer, føresette, institusjonar og organisasjonar, og medverke til allsidige lærings- og oppvekstmiljø.

Programansvarleg

Programstyret har ansvar for det fagleg innhaldet og oppbygginga av studiet og for kvaliteten på studieprogrammet.

Administrativt ansvarleg

Fakultet for kunst, design og musikk v/ Fakultetsadministrasjonen har det administrative ansvaret for studieprogrammet.

Kontaktinformasjon

studieveileder.kmd@uib.no