Studieplan for MAMN-PPU Profesjonsretta master i realfag med praktisk-pedagogisk utdanning, vår 2026

Omfang og studiepoeng

120 studiepoeng

Namn på grad

Master i realfag med praktisk-pedagogisk utdanning

Fulltid/deltid

Fulltid

Undervisningsspråk

Norsk og engelsk

Studiestart - semester

Haust

Mål og innhald

Programmet gir kandidaten ein profesjonsretta mastergrad i realfag. Programmet er retta mot studentar som har ein bachelorgrad (eller tilsvarande) med ei fordjuping i eit av faga matematikk, fysikk, kjemi, biologi eller ein brei kombinasjon av naturfag, og som ønskjer å undervise i ungdomsskulen eller i den vidaregåande skulen. I første del av studiet arbeider kandidaten med pedagogikk og fagdidaktikk. Praksisopplæring inngår i denne delen. I andre del av studiet går kandidaten i djupna på eit masterstudie innan sitt fag og gjennomfører anten ein fagdidaktisk eller disiplinfagleg masteroppgåve.

Læringsutbyte

Kandidaten skal ved avslutta program ha følgjande læringsutbytte:

Kunnskapar

Kandidaten

  • har avansert kunnskap i eitt av realfaga, inngåande fagdidaktisk og pedagogisk kunnskap retta mot trinn 8-13
  • har djupnekunnskap i eit spesialisert område innanfor sitt fag
  • kan, på kritisk og reflekterande måte, anlegga et praksisperspektiv i arbeidet med fagdidaktisk teori
  • har grunnleggjande forståing for skulen sitt mandat, opplæringa sitt verdigrunnlag,
  • har kunnskapar om ungdomskultur, ungdomsutvikling og læring i ulike sosiale og kulturelle kontekstar, inkludert barn og unge i vanskelege livssituasjonar
  • har brei kunnskap om læringsstrategiar, læringsarenaer og arbeidsmetodar

Ferdigheiter

Kandidaten

  • kan identifisere og analysere faglege problemstillingar innan fagområdet og bruke relevante teoriar og metodar for å belyse dei
  • kan planleggje og gjennomføre eit forskingsprosjekt i fagdidaktikk på ein sjølvstendig og systematisk måte i tråd med gjeldande forskingsetiske normer
  • kan undersøke læring i eiga undervisning ved hjelp av fagkunnskap, pedagogikk og fagdidaktisk teori
  • kan planleggje, gjennomføre og reflektere over undervisning i lys av forsking og leggje til rette for inkluderande og tilpassa opplæring
  • kan vurdere og dokumentere elevar si læring, gje læringsfremjande tilbakemeldingar og bidra til at elevane kan reflektere over eiga læring og eiga fagleg utvikling
  • kan identifisere særskilde behov hjå barn og unge i vanskelege livssituasjonar og etablere samarbeid med skulens hjelpeapparat til barnets beste
  • kan gjere greie for og drøfte grunnlagsspørsmål og teoriar i fagdidaktikk
  • kan med stor grad av sjølvstende vidareutvikle eigen og skulens kompetanse

Generell kompetanse

Kandidaten

  • kan bruke kunnskapen nemnt over som grunnlag for kritisk refleksjon over eigen undervisningspraksis og tilrettelegging for elevars læring
  • har utvikla ei sjølvstendig og kritisk haldning til innhaldet i skulefaget og til den rolla faget spelar i skulen og i samfunnet
  • har kunnskap om samiske tilhøve
  • kan forstå og reflektere kritisk over faglege, pedagogiske, fagdidaktiske og utdanningspolitiske problemstillingar
  • kan byggje relasjonar til elevar og føresette, og samarbeide med aktørar som er relevante for skuleverket
  • skal kunne halde seg oppdatert på gjeldande lov- og planverk for profesjonsutøvinga

Opptakskrav

Krev minimum snittkarakter C (2,5) i den faglege fordjupinga. Sjå eignesider om korleis du reknar ut snittet ditt.

Dei fleste studentar frå land utanfor EU/EEA/Sveits må betale studieavgift, men det finnes unntak.

  • Bachelorgrad eller tilsvarande med fordjuping innanfor eitt av faga matematikk, fysikk, kjemi, biologi. Tverrfaglege program med meir bredde innan naturvitskap vil kunne kvalifisere etter en individuell vurdering. Krav for dei einskilde faga er oppgitt nedanfor.
  • Kompetanse i norsk tilsvarande generell studiekompetanse
  • Karaktersnitt på opptaksgrunnlaget må være C eller betre

----

Matematikk/statistikk:

80 studiepoeng fordypning i faget, der:

  • Minst 30 studiepoeng er innen lineær algebra og kalkulus
  • Minst 10 studiepoeng må være innen differensiallikninger, reell analyse eller algebra
  • Minst 40 studiepoeng annen fordypning i matematikk, der noen studiepoeng innen nærliggende fag som fysikk, informatikk kan telle med etter individuell vurdering.

Kjemi:

Minimum 70 studiepoeng i kjemi og 10 studiepoeng matematikk på nivå som svarar til grunnemne ved UiB eller høgare. Emnekombinasjonen må innehalde minst 20 studiepoeng kjemiemne der det inngår praktisk laboratoriearbeid. Fagleg breidde i laboratorieerfaringa vil bli prioritert ved opptak

Biologi:

80 studiepoeng fordjuping i faget. Minimum 60 studiepoeng i biologi som inneheld fleire av de store fagområda i biologi som evolusjon, økologi, botanikk, zoologi, mikrobiolog, molekylærbiologi og fysiologi. Det er viktig at de 60 studiepoenga best mogleg reflekterer grunnemna i en bachelor grad i biologi.

Fysikk:

100 studiepoeng fordjuping som inneheld 60 studiepoeng i fysikk (må dekke moderne fysikk, mekanikk, termodynamikk, elektromagnetisme og laboratoriekurs i fysikk), samt 40 studiepoeng matematikk

Naturfag

Minimum 90 studiepoeng i naturvitskaplege emnar med minimum 15 studiepoeng relevant utdanning i høvesvis fysikk, kjemi, biologi (eit av faga kan erstattast med minimum 15 studiepoeng i geofag)

---

Politiattest må leverast ved studiestart.

Søknadsfrist: 15. april

Obligatoriske emne

Felles emne:

Studentar som har eit undervisningsfag nummer 2 som UiB tilbyr fagdidaktikk i, må ta PPU i begge fag i første studieår. Dei tar i tillegg eit fagdidaktikkemne i dette faget.

Studentar som ikkje har eit undervisningsfag nummer to, tar eit emne til i realfagdidaktikk.

Spesialisering

  • 30 studiepoeng fordjuping i fag 1 i samråd med rettleiar. Viss fagdidaktisk masteroppgåve tas MATDID350 eller REALDI300 (MNF367) som 10 av desse studiepoenga
  • 30 studiepoeng masteroppgåve

Masteroppgåva er anten fagdidaktisk eller disiplinfagleg. Kva type oppgåve ein kan velje avheng av rettleiingskapasitet. NB. Viss ein vert tatt opp på grunnlag av en brei naturvitskapleg bakgrunn, kan ein ikkje velje disiplinfagleg oppgåve.

Rekkefølgje for emne i studiet

For å kunne fortsette på 2. semester må PEDA101 og PPUPRA101 være fullført. For å kunne starte på 3. semester må emna i 1. og 2. semester normalt være fullført. Ein kan normalt ikkje starte på masteroppgåva før alle emne er på plass

Arbeids- og undervisningsformer

Seminar, forelesning, studentaktive undervisningsformer, praksis, sjølvstudium, mm. Sjå dei enkelte emnebeskrivingane for nærare detaljar om arbeids- og vurderingformer.

Vurderingsformer

Emna som inngår i studiet nyttar ulike kombinasjonar av vurderingsformer, til dømes skriftleg og munnleg eksamen, mappe, prosjektoppgåve. Sjå dei enkelte emnebeskrivingane for nærare detaljar om vurderingsformer.

Når masteroppgåva er innlevert og vurdert, avsluttast studiet med ein munnleg mastergradseksamen.

Vitnemål og vitnemålstillegg

Vitnemål på norsk med vitnemålstillegg (Diploma Supplement) på engelsk blir skrevet ut når graden er fullført. For å få utskrevet vitnemål om fullført praktisk-pedagogisk utdanning, må den toårige masterutdanninga være bestått.

Grunnlag for vidare studium

Ph.d.-utdanning innan eit realfag eller fagdidaktikk og annan utdanningsforsking. avhengig av om masteroppgåva er disiplinfagleg eller fagdidaktisk. Du kan også studere vidare for å skaffe deg fleire undervisningsfag.

Relevans for arbeidsliv

Programmet kvalifiserer for tilsetjing på trinn 5-13 i den norske skulen. Graden gjev grunnlag for undervisning i to fag. I tillegg vil du også kunne få jobb i mange andre sektorar som driv med opplæring, for eksempel i offentleg sektor, kulturskule, psykisk helse og sosialfeltet, i pedagogisk psykologisk rådgjevingsteneste og innan ei rekkje andre områder.

Evaluering

Masterprogrammet blir kontinuerleg evaluert i tråd med retningslinene for kvalitetssikring ved UiB. Emne- og programevalueringar finn ein på kvalitetsbasen.uib.no

Skikkavurdering og autorisasjon

Studentane er underlagt skikkavurdering i tråd med UH-loven §12.3

Programansvarleg

Fakultet for naturvitskap og teknologi ved Lektorutdanningsutvalet har ansvar for fagleg innhald og oppbygging av studiet og for kvaliteten på studieprogrammet. UiBs styringsgruppe og felles programstyre for lektorutdanning har eit overordna koordinerande ansvar.

Administrativt ansvarleg

Fakultet for naturvitskap og teknologi ved Matematisk institutt har det administrative ansvaret for studieprogrammet.

Kontaktinformasjon

Ta gjerne kontakt med studierettleiar på e-post:

lektor.realfag@uib.no