Kva tilbyr BOAP
BOAP tilbyr ei publiseringsløysing for fagmiljø som ønskjer å etablere eit vitskapeleg tidsskrift eller skriftserie med open tilgang til innhaldet. Tenesta omfattar:
- Teknisk drift av publiseringsplattforma Open Journal Systems
- DOI-tildeling
- Opplæring av redaktørar og redaksjon i bruk av publiseringsplattforma
- Løpande brukarstøtte
Redaksjonen har ansvar for redaksjonelt arbeid, fagfellevurdering, innhald og publisering.
Vilkår for å bruke BOAP
Tidsskrift og skriftseriar må oppfylle krava under.
Fullstendige vilkår
- Tidsskriftet skal vere Open Access.
- Tilgang skal vere gratis
- Tilgang skal ikkje ha sperrer i form av brukarnamn/passord eller på ip-adresse
- Det skal vere gratis for forfattarar å sende inn manuskript og å publisere i tidsskriftet.
- Etablering av nye tidsskrift skal ha ei fagleg og vitskapleg grunngjeving.
- Tidsskriftet skal ha rutinar for fagfellevurdering og skal minimum tilfredsstille krav til eit nivå 1-tidsskrift.
- Tidsskriftet må fylgje OASPAs Code of conduct: http://oaspa.org/membership/membership-criteria/
- Tidsskriftet må publiserast med ein Creative Commons (CC)-lisens. UB tilrår ein CC BY-lisens, men redaksjonen kan også velje CC BY-SA eller CC BY-NC. Lisensen må godkjennast av forfattar og lisensen må synleggjerast på nettsida til tidsskriftet, på den enkelte artikkel og i fulltekst (PDF). Ein maskinlesbar versjon av lisensen må også inkluderast i artikkelen.
- Forfattar skal behalde opphavsretten utan avgrensingar, men gje tidsskriftet rett til å vere fyrste utgjevar.
- Tidsskriftet skal ha tilknyting til Universitetet i Bergen. Til dømes skal redaktør, redaksjonsmedlemmer eller tidsskriftets administrative personale vere tilsett ved institusjonen.
- Tidsskriftet må ha ein realistisk utgjevingspolitikk og årleg gje ut minimum seks artiklar eller fagfellevurderte bidrag i andre former.
- Publiserte artiklar må følgje gjeldande krav om universell utforming.
- Om retningslinjene ikkje vert følgt, kan UB fjerne tidsskriftet frå BOAP.
- Vilkår og retningslinjer kan endrast.
Slik kjem du i gang
Send ein e-post til boap@uib.no med kort informasjon om tidsskriftet for å avtale eit møte.