Musikkterapi (integrert master)

Som musikkterapistudent arbeider du både med musikalsk samhandling, mellommenneskeleg relasjonar, og evne til å legge til rette for musikkaktivitetar både som ein kvardagsressurs og som ein måte å kople seg på eksisterande kultur- og samfunnsliv. Gjennom studiet lærer du:

• Å leggje til rette for helsefremmande musikkutfalding.
• Å grunngje, vidareutvikle og formidle eige arbeid til andre fagpersonar, brukarar og pårørande.
• Å utvikle evne til kritisk refleksjon med utgangspunkt i tileigning av sentrale verdiar og teoriar innan fagområdet.
• Å utvikle evner innan forskingsmetodikk og akademisk skriving.

Det 5-årig integrerte programmet gjev deg høve til å kombinere interessa for musikk og helse. Studiet passar for deg som vil lære meir om terapeutisk relasjonsarbeid, korleis musikk kan brukast i ulike helsekontekstar, og korleis musikk kan nyttast som ein pådrivar til auka samfunnsdeltaking.

Masterstudiet i musikkterapi er eit fulltidsstudie der ein tar 30 studiepoeng kvart semester. Som musikkterapistudent vert du engasjert i eit kreativt, oppegåande og aktivt studentmiljø. Du vil oppleve eit stimulerande fagmiljø som er sentral innan nasjonal og internasjonal forsking på musikkterapi.  

Studiestaden er ærverdige Griegakademiet, og her syder det av musikk, læring, og sosiale aktivitetar frå morgon til kveld. På musikkterapistudiet blir du kjent med humanistiske, psykologiske, musikkfaglege og musikkterapeutiske emne.  

Undervisningsformene inneheld mellom anna førelesningar, gruppeundervisning, workshops, skrive- og leseseminar, individuell-  og grupperettleiing. I tillegg får du innblikk i kva det musikkterapeutiske arbeidet inneberer gjennom ulike praksisperiodar. Du har moglegheit for eit semester utveksling, og ein praksisperiode i utlandet. 

Ein ferdig utdanna musikkterapeut vil kunne jobbe i ulike helse- og pedagogiske kontekstar gjennom alle livsfasar. Studiet gjer studentane skikka til å gå inn i mellom anna:

1. Musikkterapeutisk og utviklingsstøttande arbeid innan førskule, skule, kulturskule og vaksenopplæring.
2. Musikkterapeutisk og førebyggjande arbeid innan ulike miljøtiltak, som barne- og ungdomsarbeid, fengsel og ulike typar interesseorganisasjonar.
3. Musikkterapeutisk arbeid innen helsevesenet, inklusivt habilitering, nevrorehabilitering, psykisk helsevern, psykisk helsearbeid, rusomsorg, eldreomsorg og palliativ omsorg.
4. Forskning

I tillegg til generell studiekompetanse må søkarar gjennom ein opptaksprøve for å kvalifisere til opptak.

Undervisningsspråk: Norsk

Studiet er bygd opp av ulike terapeutiske, musikalske og teoretiske emne. I løpet av studiet møter du emne innafor musikkterapi, musisering, psykologi, humaniora og samfunnsvitskap. Du vil òg få praksiserfaring gjennom fem ulike praksisperiodar. Studiet blir avslutta med ei masteroppgåve på 30 studiepoeng.  

1. semester

MUTP100 / Innføring i musikkterapi

EXPHIL-KMSEM eller EXPHIL-KMEKS / Examen philosophicum (Ex.phil.)

EXFAC00AS / Examen facultatum, Akademisk skriving

MUTPRA101 / Musikkterapipraksis 1

2. semester

MUTP103 / Musikkterapiteori

MUTP104 / Musikkering (Musicking)

MUTP105 / Samspel i musikkterapi

3. semester

MUTP102 / Musikkterapeutisk bruksmusikk

MUF101 / Musikk, kultur og samfunn

PSYK111 / Innføring i psykologi og psykologiens historie eller SANT104 / Kultur, meining og kommunikasjon eller MUV280 / Popular Music Studies

4. semester

MUTP102 / Musikkterapeutisk bruksmusikk

MUF101 / Musikk, kultur og samfunn

MUTP205 / Innføring i musikkterapeutisk praksis

MUTPRA102 / Musikkterapipraksis 2

5. semester

Frie emne – vel blant alle opne emne ved UiB eller utveksling

6. semester

MUTP202 / Samfunnsmusikkterapi

MUTP206 / Musikkterapeutisk teoriutvikling

MUTP207 / Kreativ stemmebruk i musikkterapi

MUTPRA201 / Musikkterapipraksis 3

7. semester

MUTP300 / Musikkterapi i barn og unges oppvekst

MUTP302 / Musikkterapeutisk improvisasjon

MUTP305 / Musikkterapi i helsesektoren I

TVEPS / Tverrprofesjonell samarbeidslæring

MUTPRA301 / Musikkterapipraksis 4

8. semester

MUTP302 / Musikkterapeutisk improvisasjon

MUTP305 / Musikkterapi i helsesektoren I

MUTP312 / Musikkterapeutisk forskingsmetode

MUTPRA302 / Musikkterapipraksis 5

9. semester

MUTP303 / Musikkterapeutisk profesjonskunnskap

MUTP306 / Musikkterapi i helsesektoren II

MUTP350 / Masteroppgåve i musikkterapi

MUTPRA303 / Musikkterapipraksis fordjuping

10. semester

MUTP303 / Musikkterapeutisk profesjonskunnskap

MUTP306 / Musikkterapi i helsesektoren II

MUTP350 / Masteroppgåve i musikkterapi

Det er òg mogleg å søke opptak til Forskarlinja frå 5. semester. Denne har eit noko annleis studieløp med ei masteroppgåve på 60 studiepoeng.

UiB samarbeider med ni internasjonale universitet (i Australia, Europa og USA) som satsar på forsking og utdanning innanfor musikkterapi. I tredje studieår er valemna organiserte slik at det er rom for eitt semesters opphald i utlandet. Du kan då velje relevante emne i for eksempel musikk, psykologi, samfunnsfag eller helsefag. På fjerde studieår er det også mogeleg å reise til utlandet.

Sjå anbefalte utvekslingsavtalar

Etter fullført studium kan du søke til doktorgradsstudium i musikkterapi.

Studieplan for Integrert masterprogram i musikkterapi