Teatervitskap (master)

I teatervitskapen drøftar vi spørsmål som:

• Korleis verkar ulike verkemiddel og uttrykksformer saman i ei teaterframsyning, og kva for effekt kan desse ha i møte med publikum?
• Finst det grenser for teater og teaterformer?
• Korleis relaterer teaterframsyningar seg til historie, samfunn og politikk?

Teatervitskap er viktig for det utøvande scenekunstfeltet, kunstnarlege utdanningar og drama og teater i skulen. Studiet inneheld praksis som gir deg ein forsmak på kva slags moglegheiter som finst seinare.

Som ferdigutdanna masterstudent i teatervitskap har du:

• god forståing for dei underliggande vitskapsteoretiske problemstillingane i teatervitskapen
• evne til å planlegge og gjennomføre eit større sjølvstendig forskingsprosjekt under rettleiing 
• kunnskap og innsikt nok til å drøfte, argumentere og ta sjølvstendige standpunkt til problemstillingar innan teaterforsking, praktisk teater og teaterpolitikk  

På masterprogrammet i teatervitskap er det undervisning i form av forelesingar, seminar, rettleiing og skrivegrupper. I tillegg kjem praksis, prosjektarbeid, sjølvstudium og skriving av ei masteroppgåve.

Som student hos oss vil du ha det meste av undervisninga på Nygårdshøyden midt i Bergen sentrum. Du har tilgang til lesesalar, bibliotek, kollokvierom, treningssenter, kantine, kafear og studentbar på campus.

Masterprogrammet i teatervitskap samarbeider med teater- og kulturinstitusjonar i Bergen og resten av landet, og Bergen har eit av dei mest attraktive studiemiljøa og aktive teatermiljøa i landet.

Gjennom utdanninga får du anledning til å knyte kontaktar med det utøvande scenekunstfeltet, som kan vere av stor nytte for framtidig karriereutvikling. Våre studentar set òg ekstra pris på at studiet gir ei større fordjuping enn andre teaterutdanningar.

Teatervitskapleg kompetanse er etterspurt i teaterinstitusjonar og det frie scenekunstfeltet, i offentleg kulturforvaltning, mediebransjen og innan undervisning og opplæring. Typiske yrke for ein utdanna teatervitar er kritikar, dramaturg, produsent eller kommunikasjonsrådgjevar ved teater- og kulturinstitusjonar. Nokon kombinerer også teatervitskapleg utdanning med utøvande praksis som skodespelarar, regissørar og dramatikarar.

Med ein mastergrad i teatervitskap kan du arbeide:

• i teaterinstitusjonar og det frie scenekunstfeltet  
• i offentleg kulturforvaltning  
• i mediebransjen  
• innan undervisning

Dei fleste studentar frå land utanfor EU/EEA/Sveits må betale studieavgift, men det finns unntak.

For å søke dette studieprogrammet må du oppfylle dei generelle opptakskrava for master på UiB og dei spesielle opptakskrava for dette studiet.

Søknadsfristen er 15. april for høstopptak og 1. november for våropptak.

Undervisningsspråk: Norsk

Studieløpet ser slik ut: 

1. semester 

Teaterhistorie, historiografi og vitskapsteori (15 studiepoeng) 

Prosjektskildring/utveksling (15 studiepoeng)  

2. semester 

Teoretisk fordjuping i eit systematisk område (15 studiepoeng)  

 Praksis eller seminarinnlegg / utveksling (15 studiepoeng) 

3. og 4. semester 

Masteroppgåve (60 studiepoeng) 

Du kan reise på utveksling til fleire ulike land. Det er lagt opp til at du kan reise ut i ditt andre semester. Eit utvekslingsopphald gir deg verdifull kulturell erfaring, språkleg trening, ny fagleg innsikt og opplevingar for livet.

Sjå anbefalte utvekslingsavtalar

Ein mastergrad i teatervitskap kan kvalifisere til søknad til ph.d.-programmet.

Studieplan for Masterprogram i teatervitenskap