Natur- og miljøgeografisk feltkurs

Emnet har som mål å gje studenten kunnskap og ferdigheiter knytt til vanlege metodar og teknikkar i natur- og miljøgeografi. Under rettleiing vil studentane arbeide aleine eller i små grupper med å gjennomføre eit feltbasert forskingsprosjekt knytt til rekonstruksjon, analyse og forklaring av klima-, miljø- og landskapsendringar i eit nærare definert feltområde, anten i Noreg eller i utlandet. Feltområda kan variera frå år til år. For å førebu studentane til eige feltarbeid vil ein som del av ei lita gruppe skrive ein tematisk rapport som nyttar faglitteratur som er relevant for feltområdet.

I samband med forskingsprosjektet vil studentane utvikle sine eigne forskingsspørsmål og tilhøyrande målsetjingar. Dei vil også lære å handtere hypotesar og korleis dei skal skrive ein akademisk rapport i natur- og miljøgeografi som nyttar eit profesjonelt språk og fagtermar, og med høvelege analysar, illustrasjonar og referansar.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten...

• kan forklare dei viktigaste eksogene (biotiske og abiotiske) faktorane og tilhøyrande prosessar som kan koplast til terrestriske klima-, miljø- og lanskapsendringar i feltområda deira.
• har kunnskap om relevante feltmetodar og teknikkar nytta under feltarbeid.
• har kunnskap om relevante kvantitative analysemetodar.
• kan beskrive prinsippa for kvartærgeologiske kart og vegetasjonskart.

Ferdigheiter

Studenten...

• kan ved å nytte faglitteratur og feltobservasjonar utvikle eit forskingsprosjekt i eige feltområde.
• kan formulere arbeidshypotesar som del av å løyse forskingsspørsmåla ein er oppteken av i feltområdet.
• kan nytte relevante feltmetodar og teknikkar i eige feltområde, som til dømes flybildetolkning, feltkartlegging og GIS.
• kan samle relevante data til å rekonstruere og beskrive klima- miljø- og lansskapsendringar i eige feltområde.
• kan skildre landformar/fenomen på ein nøytral måte før ein tolkar årsaka til dei.
• kan lage eit kvartærgeologisk kart eller vegetasjonskart over eit feltområde.
• kan analysere kvantitative data gjennom å nytte metodar tilpassa feltundersøkinga.

Generell kompetanse

Studenten...

• kan utføre ei praktisk feltoppgåve i samsvar med retningslinene for høveleg framferd og sikkerheit ved Universitetet i Bergen.
• kan skrive ein feltrapport anten aleine eller i ei lita gruppe gjennom å nytte eit profesjonelt språk og fagtermar, lage høvelege analysar, nytte gode illustrasjonar, og kunne vise til relevant litteratur.
• kan formidle munnleg og skrive ein akademisk tekst knytt til tema innan eige forskingsfelt og relatere dette til faglitteraturen.
• kan nytte arbeidshypotesar som del av å løyse eit forskingsspørsmål.
• kan utveksle ytringar med fagfellar, og kome med konstruktive kommentarar til arbeida deira.

Universitetet i Bergen og eit feltområde enten ein stad i Noreg eller i utlandet, fyrst og fremst Europa. Feltområdet kan variere frå år til år.

Ei feltkursavgift som dekker utgifter til mat må betalast innan ein gitt frist.