Nordisk fagdidaktikk 1

Emnet er det grunnleggande kurset i nordisk fagdidaktikk for studentar som har valt nordisk som fag 1 i lektorutdanninga. Det gir ei didaktisk tilnærming til norskfaget i eit heilskapleg perspektiv. I dette inngår norskfagleg kunnskapssyn, læringssyn og kunnskap om språk og tekst i resepsjons- og produksjonsperspektiv. Emnet inneheld også 10 dagar praksis. Undervisninga i emnet vil gjennomgåande støtte studentane i å reflektere over praksiserfaringar i lys av fagdidaktikk. I emnet legg ein særleg vekt på:

1. Norskfagleg og nordiskfagleg innhald, kunnskapsforståing og læring.
2. Språklæring og språkutvikling.
3. Tekstforståing og tekstskaping.
4. Norskfagleg arbeid i praksis.

Kunnskap

Studenten

● har innsikt i kva norskfagleg og nordiskfagleg kunnskap er, og korleis elevar kan tileigne seg og lære slike kunnskapar.

● har innsikt i sentrale styringsdokument for norskfaget.

● har innsikt i korleis elevar kan utvikle språkkompetanse og tekstkompetanse.

● har kunnskap om relevante norskfaglege læremiddel.

Kunnskapar direkte knytt til praksis:

● har kunnskap om dei ulike rollene til faglæraren og arbeidsoppgåver i tilknyting til undervisning i norskfaget.

Ferdigheiter

Kandidaten

● kan orientere seg i faglitteratur og teoriar i nordisk fagdidaktikk.

Ferdigheiter direkte knytt til praksis:

● kan planlegge, gjennomføre og grunngi undervisningsøkter med utgangspunkt i relevante kompetansemål og læremiddel.

● kan nytte relevante digitale verktøy og læremiddel som er i bruk i vidaregåande skule.

Generell kompetanse

Kandidaten

● kan reflektere over faglege og utdanningspolitiske problemstillingar knytte til norskfaget i skulen.

● kan vidareutvikle eigen kompetanse og bidra til fagleg utvikling hos medstudentane og i norskfaget som heilskap.

● kan opptre profesjonelt i møte med elevar, lærarar og andre aktørar i skulesamfunnet.

Generell kompetanse direkte knytt til praksis:

● kan reflektere rundt bruken av relevante læremiddel og arbeidsmåtar i norskfaget.