Studieplan for VIDMAKRISE Erfaringsbasert masterprogram i krisepsykologi, høst 2026
Omfang og studiepoeng
Masterprogrammet har eit omfang på 90 studiepoeng.
Namn på grad
Master i krisepsykologi
Fulltid/deltid
Studiet er tilrettelagt for å kunne kombinerast med jobb og gjennomførast på deltid over 3 år (50% studieprogresjon). Studiet består av spesialiseringsemne og obligatoriske emne.
Undervisningsspråk
Skandinavisk og engelsk. Undervisinga vil i hovudsak vere på norsk.
Studiestart - semester
Haust og Vår
Mål og innhald
Masterprogrammet i krisepsykologi skal bidra til å sikre samfunnet sitt behov for krisepsykologisk kompetanse gjennom å utdanne kandidatar som kan tileigne seg, vurdere og bruke forskingsbasert kunnskap på fagfeltet. Studentane får kunnskap om krisepsykologisk arbeid i møte med uventa og krevjande situasjonar på individ-, gruppe- og lokalsamfunnsnivå.
Studiet er samansett av eitt spesialiseringsemne og fire obligatoriske emne, til saman 90 studiepoeng. Spesialiseringsemna er innretta for at kandidatane kan tileigne seg inngåande forskingsbasert kunnskap om tema som er relevant for arbeid med barn, familiar og lokalsamfunn i krisar og krevjande livssituasjonar. Kandidatane utviklar også ferdigheiter og kompetanse som er naudsynt for at dei kan planleggje og organisere hjelpetiltak, psykososial støtte eller likepersonstøtte. Spesialiseringsemna skal gje studentane eit naudsynt grunnlag for å drive innovasjons- og forbetringsarbeid og gjennomføre organisatoriske endrings- og omstillingsprosessar på eigen arbeidsstad.
Mastergraden i krisepsykologi på 90 stp. består av eitt spesialiseringsemne på 15 studiepoeng frå Senter for krisepsykologi sin portefølje av EVU-emne på masternivå og fire obligatoriske emne.
Dei obligatoriske emna er:
PSYK643/Krise og katastrofepsykologi, Reaksjonar og psykososial oppfølging.15 stp: Emnet skal gje studenten inngåande kunnskap om tydinga av tidleg intervensjon og korleis vi kan organisere og leggje til rette psykososiale tiltak for overlevande og innsatspersonell. Etter fullført emne skal studenten kunne organisere mottakssenter, mobilisere psykososial støtte og tiltak for å ta vare på overlevande og etterlatne, samt yte støtte til anna innsatspersonell.
PSYK676/Tverrfagleg teamarbeid i krisepsykologi, 10 stp eller PSYK677/Tverrfagleg teamarbeid i krisepsykologi, 15 stp Emnet har som mål å trene og utvikle samarbeidskompetanse gjennom å jobbe med ei aktuell utfordring. Kandidatane jobbar i tverrfaglege grupper for å utvikle sin samarbeidskompetanse. Ulike tematiske områder innan krisepsykologi er utgangspunkt for gruppearbeidet.
PSYK678/Vitskapelege forskingsmetodar, 20 stp eller PSYK690/Vitskapelege forskingsmetodar, 15 stp: Emnet gjev ei innføring i kvalitativ og kvantitativ metode. Emne vil vidare gje perspektiv på ulike vitskapsteoriar, samt kjenneteikn ved ulike forskingsparadigme og skildring av ulikheitar mellom metode, design og ulike analysestrategiar i dei ulike paradigma.
PSYK680/Mastergradsoppgåve, 30 stp: Føremålet med masteroppgåva er å fordjupe seg i eit tema og utføre eit sjølvstendig forskingsarbeid. Oppgåva skal gje trening i å formulere ei problemstilling, gjennomføre datainnsamling og/eller diskusjon av relevant forskingslitteratur og teori, samt analysere og tolke eigne data. Temaet og problemstillinga skal vere relevant for studieprogrammet sitt mål og innhald. Oppgåva kan vere enten empirisk eller teoretisk orientert. Empirisk orienterte oppgåver kan nytte enten kvalitative eller kvantitative metodar.
Læringsutbyte
Kandidaten skal ved avslutta program ha følgjande læringsutbyte:
Kunnskapar
Kandidaten kan
- analysere faglege problemstillingar knytt til det særeigne ved å forstå og arbeide på individ, gruppe og lokalsamfunn i krise og krevjande livssituasjonar
- anvende kunnskap og teoriar innan helsefag, samfunnsvitskap eller psykologi på eigen organisasjon og eiget arbeid
- integrere kunnskap frå ulike fagfelt og forskingsområde for å forstå og arbeide med individ, gruppe og lokalsamfunn i krise og krevjande livssituasjonar
Ferdigheiter
Kandidaten kan
- utvikle gode faglege løysingar på komplekse utfordringar og problemstillingar i møte med individ, grupper og lokalsamfunn i krise og krevjande livssituasjonar
- leie kunnskapsbasert innovasjons- og forbetringsarbeid i eigen verksemd
- leggje til rette for god samhandling mellom administrativ og fagleg leiing i til dømes kommunar og fylkeskommunar
- handtere og forebygge konfliktar og kriser i komplekse offentlege og private verksemder
Generell kompetanse
Kandidaten kan
- analysere relevante etiske problemstillingar knytt til å forstå og arbeide med individ, grupper og lokalsamfunn i krise og krevjande livssituasjonar
- samarbeide med andre fagfolk og leiarar om å løyse krevjande oppgåver
- gje tilbakemelding til - og få tilbakemelding frå medstudentar og faglærarar innan krisepsykologiske oppgåver
Opptakskrav
Opptakskrav til enkeltemner
Bachelorgrad, cand.mag.-grad eller tilsvarende grad eller yrkesutdanning med minimum tre års omfang/180 studiepoeng.
Søkerne må i tillegg ha to års relevant yrkeserfaring innen til dømes helse- og sosialsektoren i norske kommuner og helseforetak, ansatte i barnevern, kriminalomsorgen, politi, brann/redning, kriseteam, skoleverket, ansatte i frivillige organisasjoner og kirker/livssynsorganisasjoner. Også for ledere med personalansvar i bedrifter og offentlig forvaltning er denne mastergraden relevant.
Opptakskrav til PSYK680/Masteroppgave
Gjennomført og bestått:
- PSYK643/Krise- og katastrofepsykologi (15 stp)
- Eitt spesialiseringsemne (15 stp)
- PSYK677 eller PSYK676/Tverrfagleg teamarbeid i krisepsykologi (15/10 stp)
- PSYK690 eller PSYK678/Vitskapelege forskingsmetodar (15\20 stp)
Kombinasjonen av emna Tverrfagleg teamarbeid i krisepsykologi og Vitskaplege forskingsmetodar skal til saman utgjere 30 studiepoeng.
- utdanning som i samhøve med § 3-5 i lov om universitet og høgskular er godkjend som jamgod med nemnde grader eller utdanningsløp.
UiB kan i spesielle tilfelle godkjenne andre dokumenterte kvalifikasjonar som heilt eller delvis likeverdig med dei nemnde utdanningsløpa. Utdanning frå utanfor Noreg må vere NOKUT-godkjend ved søknadstidspunkt
Søkjarar som har fullført eit eller fleire av emna som inngår i masterprogrammet, vil bli prioritert i opptaksprosessen.
Obligatoriske emne
- PSYK643/Krise og katastrofepsykologi, 15 stp
- PSYK677 eller PSYK676/Tverrfagleg teamarbeid i krisepsykologi, 15/10 stp
- PSYK690 eller PSYK678/Vitskapelege forskingsmetodar, 15/20 stp
- PSYK680/Mastergradsoppgåve, 30 stp
Kombinasjonen av emna Tverrfagleg teamarbeid i krisepsykologi og Vitskaplege forskingsmetodar skal til saman utgjere 30 studiepoeng.
Spesialisering
Eitt spesialiseringsemne frå Senter for krisepsykologi skal vere en del av graden. Senteret tilbyr fleire spesialiseringsemne på masternivå som kan inngå i mastergraden. Desse spesialiseringsemna er til dømes innan sorg og komplisert sorg, barn som pårørande eller menneskerettar. Oppdatert oversikt ligg på senteret si heimeside.
Andre emne kan etter vurdering passast inn som spesialiseringsemne (15 stp), kravet er at emnet eller emner er på masternivå for å kunne bli innpasset som et valgfrit spesialiseringsemne.
Rekkefølgje for emne i studiet
Studieløpet i MA-graden går over tre år som vert gjennomført sekvensielt. Kvart studieår startar om hausten og vert avslutta påfølgjande vår svarande til 30 sp (50% studieprogresjon). Av omsyn til rettleiingskapasitet, pedagogisk gjennomføring og ferdigheitstrening i statistikk og metode er opptak av kandidatar avgrensa til det tal fakultetet bestemmer. Obligatoriske emne er markert med (*).
Rekkefølgen kan være fleksibel, men SfK anbefaler denne rekkefølgen:
- PSYK643/Krise og katastrofepsykologi (15 stp) *
- Spesialiseringsemne (15 stp)
- PSYK677 eller PSYK676/Tverrfagleg teamarbeid i krisepsykologi, 15/10 stp *
- PSYK690 eller PSYK678/Vitskapelege forskingsmetodar, 15/20 stp *
- PSYK680/Masteroppgave (30 stp) *
Kombinasjonen av emna Tverrfagleg teamarbeid i krisepsykologi og Vitskaplege forskingsmetodar skal til saman utgjere 30 studiepoeng.
Krav til progresjon og utfyllande regler om permisjonar følgjer av fakultetet sine utfyllande reglement i studiesaker. Andre emne kan etter vurdering passast inn som spesialiseringsemne.
Delstudium i utlandet
I periodar mellom år 1 og oppstart år 2 kan kandidatane nytte seg av mobilitetstilbodet ved Universitetet i Bergen.
Arbeids- og undervisningsformer
Undervisingssamlingane kombinerer førelesingar og oppgåveløysing i mindre grupper. Studentane sine eigne yrkeserfaringar vert aktivt brukt som ein ressurs i undervisinga. Det blir brukt arbeids- og undervisingsformer som legg til rette for studentaktivitet, til dømes problembasert og casebasert læring og rollespel. I undervisinga blir det vektlagd at studentane skal nytte teori og kunnskap på kvardagsnære problemstillingar.
Døme på undervisningsformer mellom undervisingssamlingane er:
- Å jobbe på eiga hand eller i mindre grupper med nettbaserte læringsaktivitetar.
- Å reflektere rundt relevante problemstillingar henta frå eigen organisasjon eller jobbrolle.
- Å reflektere over eigen læringsprosess og eiga læring
- Kvarandrevurdering
Vurderingsformer
Døme på vurderingsformar som vert nytta i studiet er:
- Heimeeksamen
- Skriftlege innleveringsoppgåver
- Munnlege framleggingar
Karakterskala
PSYK690 og PSYK678/Vitskapelege forskingsmetodar vert karaktersett med bestått/ ikkje bestått. I dei andre emna vert karakterskalaen A-F nytta.
Grunnlag for vidare studium
Ein mastergrad med 90 studiepoeng vil etter vurdering kunne gje opptak til den organiserte forskarutdanninga
Relevans for arbeidsliv
Studiet skal utdanne kandidatar med tverrfagleg kompetanse med tydeleg relevans for krevjande stillingar i offentleg eller privat verksemd.
Evaluering
Masterprogrammet blir evaluert i tråd med retningslinene for UiB sitt kvalitetssystem for utdanning. Evaluering vert gjort i samarbeid med fakultetet. Senter for krisepsykologi har ansvar for å koordinere samarbeidet. Programstyret gjennomfører ei kort årleg eigenvurdering av programmet, blant anna tufta på eigenvurderingane av emna.
Skikkavurdering og autorisasjon
Studiet gjev ikkje rettar jamfør lov om helsepersonell eller autorisasjon som psykolog i Noreg
Programansvarleg
Undervisningsutvalet ved Senter for krisepsykologi har det administrative ansvaret for studieprogrammet. Eit programstyre, der representantar for samarbeidsmiljøa er med, har ansvar for å drive programmet, i tråd med retningslinene i UiB sitt kvalitetssystem for utdanning.
Administrativt ansvarleg
Det psykologiske fakultet
Kontaktinformasjon
evu.psyfa@uib.no