Fiskehelse - akvamedisin (profesjon)
Med ei utdanning i akvamedisin vert du spesialist på helse og velferd hjå fisk, og kan spele ei avgjerande rolle i oppdrettsnæringa. Som autorisert fiskehelsebiolog tek du viktige avgjerder der biologisk kunnskap vert kombinert med teknologisk innsikt for å sikre god fiskehelse.
- Varigheit
- 5 år
- Studieplassar
- 25
- Studiepoeng
- 300
- Studiestart
- Haust
- Undervisningsspråk
- Norsk
Kva lærer du?
På fiskehelsestudiet lærer du om akvakultur, sjukdommar, immunforsvar, miljøpåverknad og korleis ein førebygg, påviser og behandlar sjukdom hjå fisk. I studiet kombinerast praktiske ferdigheiter med teori for å oppnå fullgod forståing for yrket.
Som ferdig utdanna skal du ha særs god kunnskap om fiskehelse og fiskevelferd, og forstå korleis sjukdommar startar og utviklar seg i fisken. Du skal vite korleis ein kan sikre at fisk i oppdrett har god velferd og helse, og blir ivaretekne innafor gjeldande lovverk.
Gjennom brei forståing av problem tilknytt fiskehelse skal du òg kunne fremme nytenking og utvikling i havbruksnæringa. Som fiskehelsebiolog har du plikt til å halde deg kjend i forsking viktig for fiskehelse, og kunne bruke slik kunnskap i debattar om emne relatert til havbruk og fiskevelferd.
Studiekvardag
Profesjonsstudiet i fiskehelse ved UiB høyrer til ved Institutt for biovitskap. Fagmiljøet er samla på Marineholmen, der det er laboratorium, lesesalar og auditorium. Alle studentane har og tilgang til Realfagbygget, med bibliotek, lesesalar og læringssenter. På fiskehelsestudiet blir du ein del av eit lite kull, og eit godt studentmiljø med tett oppfølging. Studiet er eit fulltidsstudium med mykje obligatorisk undervisning på campus. Du tek 30 studiepoeng kvart semester.
Profesjonsstudiet i fiskehelse skal oppfylle krava for autorisasjon som fiskehelsebiolog. Derfor vert det stilt strenge krav til innhaldet og progresjonen i studiet.
Undervisninga består av:
- Førelesingar
- Seminargrupper
- Laboratoriekurs og praktiske øvingar
- Sjølvstudium
- Praksis
- Masteroppgåve
Kva kan du jobbe som?
Utdanninga er eit profesjonsstudium. Ein kan søke om autorisasjon som fiskehelsebiolog, ein lovbeskytta tittel sidestilt med tittelen veterinær i norsk lovverk.
Det er stor etterspørsel etter fiskehelsebiologar og lett å få jobb etter avslutta studium.
Du kan jobbe:
- ute på «merdkanten» i fiskehelsetenestene eller i oppdrettsfirma
- i farmasøytisk industri, til dømes med produksjon av vaksiner
- innan påvising av fiskesjukdommar
- innan havbruksteknologi
- innan fôrindustrien
- innan tilsyn og forvalting hjå Veterinærinstituttet, Fiskeridirektoratet eller Mattilsynet
- innan utdanning og forsking
Opptakskrav og søknadsfrist
I primær kvote tel berre karakterpoeng og realfagspoeng/språkpoeng. Søkarar som ikkje fyller meir enn 21 år i opptaksåret og har eit førstegongsvitnemål, søker i denne kvota.
I ordinær kvote tel også forbetringar av fag, alderspoeng og tilleggspoeng. Du søker i alle kvotane du er kvalifisert for.
Generell studiekompetanse i tillegg til Matematikk R1 (eller S1 og S2). Du må også ha anten:
- Matematikk R2
- Fysikk 1 og 2
- Kjemi 1 og 2
- Biologi 1 og 2
- Informasjonsteknologi 1 og 2
- Geofag 1 og 2
- Teknologi og forskingslære 1 og 2
Undervisningsspråk
Undervisningsspråk: Norsk
Undervisninga og litteraturen er på norsk og engelsk.
Studiets oppbygging
Profesjonsstudiet i fiskehelse - akvamedisin er eit femårig fulltidsstudium som startar i august. Studiet har eit progresjonskrav der alle emna i graden må vere bestått før ein startar på masteroppgåva. Unntak er praksis i BIF310 som kan takast parallelt med masteroppgåva.
Du finn detaljert vekeplan og anbefalt litteraturliste på emnesidene.
Slik er studiet lagt opp:
1. semester (haust):
Enten
MAT101 - Brukarkurs i matematikk I eller MAT111 - Grunnkurs i matematikk I
BIF100 - Innføring i fiskehelse og havbruk
BIO100 - Innføring i evolusjon og økologi
2. semester (vår):
BIF101 - Organismebiologi for fiskehelse og havbruk
3. semester (haust):
BIO213 - Marin økologi, miljø og ressursar
BIO280 - Fiskebiologi I - Systematikk og anatomi
BIO291 - Fiskebiologi II - Fysiologi
4. semester (vår):
BIO103 - Cellebiologi og genetikk
Ex.phil.: enten
EXPHIL-MNEKS skuleeksamen eller EXPHIL-MNSEM seminarmodell
LAS301 - Kurs i forsøksdyrlære
BIO205A - Lovverk og forvaltning i fiskehelse og havbruk
5. semester (haust):
MOL100 - Innføring i molekylærbiologi
BIO273 - Fiskesjukdommar - fiskeimmunologi
6. semester (vår):
BIF210 - Molekylærbiologiske metodar
BIO207 - Næringsmiddelmikrobiologi med spesiell relevans til sjømat
LAS303 - Kurs i forsøksdyrlære, spesialdel fisk
BIO274 - Fiskesjukdommar – Farmakologi
7. semester (haust):
BIO270 - Fiskesjukdommar - Parasittar
8. semester (vår):
BIF310 - Profesjonsutøving og praksis i fiskehelse
BIO271 - Fiskesjukdommar - Virologi
BIO272 - Fiskesjukdommar - Bakteriar, sopp og ikkje-infeksiøse sjukdommar
9. og 10. Semester:
FISK399 - Masteroppgåve i fiskehelse
Utveksling
Det er ikkje lagt til rette for at du kan reise på utveksling.
Vidare studiemoglegheiter
Fiskhelsekandidatar er også kvalifiserte for vidare doktorgradsstudium på fagfeltet.
Spørsmål om studiet?
Studieplan
Ein studieplan er eit formelt dokument mellom deg som student og Universitetet i Bergen. Studieplanen skal gi tydelege rammer for studiet, beskrive læringsmåla du skal oppnå og korleis studiet er bygd opp.
