Bacheloroppgåve i tysk

Emnet gir høve til å fordjupe seg i eit emne innanfor tysk fagdidaktikk, tysk lingvistikk, tyskspråkleg litteratur og/eller tyskspråkleg kultur/historie.

For lektorstudentar blir det tilrådd å kombinere fagdidaktikk og disiplinemne (lingvistikk, litteratur, kultur/historie).

Ein får jobbe sjølvstendig med å avgrense eit forskingstema, finne litteratur om temaet og skrive ei rettleidd empirisk bacheloroppgåve. Oppgåva skal altså vere basert på eit material som ein systematiserer og analyserer. Nærare retningsliner blir gitt av emneansvarleg.

Emnet skal òg gi dugleik og innsikt i andre delar av vitskapleg arbeid, t.d. bibliotekressursar, sitatteknikk og bruk av kjelder.

Pensum kan bygge på, men ikkje vere identisk med pensum på TYS205 eller TYS206.

Lektorstudentar med tysk som fag 2, kan følge undervisninga på TYS205 eller TYS206. «Pensumsamanfallet» mellom TYS255 og TYS205/TYS206 kan vere større for lektorstudentane enn for BA-studentane.

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap:

Studenten

• har god kunnskap om det temaet som er valt for oppgåva
• viser god kunnskap om sentrale metodar og omgrep som blir brukte i disiplinen

Ferdigheiter:

Studenten

• kan sette seg inn i og arbeide sjølvstendig med eit tema
• kan velje ein passande metode og bruke presise fagomgrep i arbeidet med oppgåva
• kan utarbeide og presentere eit prosjekt på tysk (skriftleg og munnleg)

Generell kompetanse:

Studenten

• kan arbeide sjølvstendig og langsiktig med analyse av eit materiale og skriving av eit forskingsarbeid
• kan uttrykke seg på tysk på høgt nivå både munnleg og skriftleg
• kan finne fram til relevante kjelder og bibliografiar både på nettet og i oppslagsverk og bruke dei kritisk i eige arbeid

Bergen.

I hovudsak på campus, men delar av undervisninga kan vere digital etter behov.