Studieplan for BAHF-RUSS Bachelorprogram i russisk, høst 2026

Omfang og studiepoeng

Studiet har eit omfang på 180 studiepoeng og er normert til 3 år.

Namn på grad

Bachelor i russisk

Fulltid/deltid

Fulltid. Om du vil ta heile eller delar av studiet som eit 50% deltidsstudium, kan du venda deg til studierettleiar.

Undervisningsspråk

Undervisningsspråka på russiskemna er norsk og russisk. For alle andre fagemne, sjå den einskilde emneplanen.

Studiestart - semester

Haust

Mål og innhald

Bachelorstudiet i russisk har både eit praktisk og eit teoretisk siktemål: Det skal leggje til rette for å øve opp språklege evner og utvikla forståinga av lingvistiske, kulturelle og litterære fenomen.

I undervisninga blir det lagt vekt på praktisk meistring av moderne russisk språk, der studenten får intensiv trening i å snakke, forstå, lese og skrive russisk. Studenten får også ei innføring i russisk historie, samfunn og litteratur, og i Ukrainas historie og litteratur.

Den generelle målsetjinga for russiskstudiet er:

å øve opp praktisk og aktiv språkdugleik hjå studentane, både skriftleg og munnleg.

å gje studentane kunnskapar om og innsikt i russisk språk og russisk litteratur, kultur og samfunnstilhøve.

å øve studentane opp til ei sjølvstendig og reflekterande haldning til faget.

Etter eitt års studium skal studentane vere i stand til å lese og forstå tilrettelagte tekstar, føre enkle samtaler om avgrensa tema, skrive enkle tekstar på russisk, og dessutan å omsetje tekstar på eit grunnleggjande nivå mellom russisk og norsk.

Etter to år blir det forventa at studentane har tileigna seg eit tilstrekkeleg aktivt og passivt vokabular til å kunne lese ikkje-adapterte tekstar innan ulike sjangrar med hjelp av ordbok. Dei skal òg kunne meistre alminneleg konversasjon og omsetjing av tekstar på middels nivå.

I løpet av dei to første åra vil studenten elles ha fått god innsikt i russisk litteratur så vel som i russisk og ukrainsk historie, kultur og samfunn. På den måten er studiet både eit reiskapsfag for utdanning til yrke som krev solide kunnskapar om Russland og Ukraina og eit grunnlag for vidare fordjuping innan dei ulike forskingsfelta i eit masterstudium i russisk.

Bachelorgraden i russisk inneheld òg ein breiddekomponent, som betyr at studiet i russisk blir kombinert med minst eitt anna fagområde. Studentar vel fritt kva breiddekomponenten skal innehalde. Breidde i utdanninga gir studentane innsikt i fagområde utanfor eiga spesialisering. Dette breie faglege grunnlaget fremmar kritisk tenking, kreativitet og fleksibilitet - eigenskapar som er verdifulle både i vidare studium og i arbeidslivet.

Læringsutbyte

Kandidaten skal ved avslutta program ha følgjande læringsutbytte definert i kunnskap, ferdigheiter og generell kompetanse:

Kunnskap

Kandidaten

har

god kunnskap i russisk morfologi og syntaks og djupare innsikt i somme grammatiske emne

eit omfattande passivt og relativt stort russisk ordforråd

god kunnskap om omsetjing mellom russisk og norsk

innarbeidd kunnskap om hovudlinene i russisk historie

solid breiddekunnskap om russisk kultur og samfunn og gode kunnskapar om Ukraina si historie og kultur

kunnskapar om russisk litteratur og djupnekunnskap om somme litterære emne og epokar med hovudvekt på det 19., 20. og 21. hundreår

kunnskap om somme sentrale teoriar, tolkingar og metodar innanfor studiet sine fagområde

spesialisert innsikt på problemfeltet til semesteroppgåva

Ferdigheiter

Kandidaten

kan

analysera russisk språkstruktur og gjera greie for russiske grammatiske emne i samanlikning med norsk

setja russisk standardspråk i perspektiv som ein av fleire varietetar av russisk

forstå og vidareformidla innhaldet i middels vanskelege russiskspråklege tekstar innanfor ulike sjangrar

formulera seg godt på russisk munnleg

nytta kyrillisk handskrift og tastatur og utforma sjølvstendige tekstar på russisk innanfor utvalde sjangrar (samandrag, referat, brev, lesarinnlegg o.a.)

omsetja middels vanskelege tekstar mellom russisk og norsk

analysera ulike typar tekst med hovudvekt på skjønnlitterære tekstar

nytta fagkunnskap og eit utval teoriar, metodar og fortolkingar innan språk-, kultur- og litteraturvitskap til å vurdera, strukturera og kontekstualisera innhenta informasjon og utforma akademiske tekstar

Generell kompetanse

Kandidaten

har

eit reflektert og kritisk forhold til kjelder og kan nytta eit utval teoriar og metodar innanfor fagområdet til å analysera fagrelaterte emne

god forståing for sentrale historiske utviklingstrekk, kulturelle uttrykk og samfunnsmessige endringsprosessar innanfor fagområdet

kompetanse i å tileigna seg russiskspråkleg tekst og tale, formulera seg på russisk både munnleg og skriftleg, og i å omsetja mellom dei to språka

gjennom arbeidet med heimeoppgåver og semesteroppgåva fått god øving i å planleggja, strukturera og gjennomføra prosjekt som strekkjer seg over tid

eit godt grunnlag for å ta fatt på masterstudiet i russisk og til å halda fram med eiga kompetanseutvikling og spesialisering

Opptakskrav

Generell studiekompetanse eller realkompetanse

Tilrådde forkunnskapar

Grunnleggjande kunnskapar i setningsanalyse er ein føremon

Innføringsemne

Det er tilrådd å ta desse emna første semester:

EXPHIL Examen philosophicum (10 stp.)

LES100 Les og skriv (10 stp.)

RUS100 Grunnkurs i skriftleg og munnleg russisk (10 stp.)

Obligatoriske emne

EX.PHIL. Examen philosophicum (H, 10 stp.)

Innføringsemne: LES100 Les og skriv (H, 10 stp.)

RUS100, Grunnkurs i skriftleg og munnleg russisk (H, 10 stp.)

Studentar utan dokumenterte forkunnskapar i russisk tek RUS100. Alternativt må ein kunna dokumentera tilsvarande kunnskapar, eller ta ein fagdiagnostisk test ved semesterstart, og bytte ut RUS100 med ekstra frie studiepoeng.

RUS120 Russisk språk I (V, 20 stp.)

RUS121 Russisk historie og kultur (V, 10 stp.)

RUS130 Russisk språk II (H, 10 stp)

UKR133 Ukraina: historie, samfunn, litteratur

SEK100 Samanliknande europeiske kulturstudium (H, 10 stp.)

RUS240 Russisk språk og språkvitskap (V, 15 stp)

RUS253 Russisk litteratur med bacheloroppgåve (V, 15 stp)

I 4. og 5. semester (V+H) kan ein ta frie studiepoeng. Her kan det inngå eit studieopphald i utlandet. Dei to siste RUS-emna og bacheloroppgåva er lagt til 6. semester.

For å bli teken opp til mastergraden i russisk, må studentar ha teke alle dei obligatoriske emna som utgjer spesialiseringa i bachelorprogrammet.

Bachelorprogrammet i russisk har ein obligatorisk breiddekomponent på 30 studiepoeng. Dette vil seie at studentar må ta minst 30 studiepoeng med emne utanfor russiskfaget. Dette er jf. HF sine utfyllande reglar til § 10-3 i UiB si studieforskrift.

Spesialisering

RUS120 Russisk språk I (V, 20 stp.)

RUS121 Russisk historie og kultur (V, 10 stp.)

RUS130 Russisk språk II (H, 10 stp.)

UKR133 Ukraina: historie, samfunn, litteratur (H, 10 stp.)

SEK100 Samanliknande europeiske kulturstudium, (H, 10 stp.)

RUS240 Russisk språk og språkvitskap (V, 15 stp)

RUS253 Russisk litteratur med bacheloroppgåve (V, 15 stp)

Tilrådde valemne

I tillegg til ex.phil., LES100, RUS100 og spesialiseringa inneheld bachelorprogrammet i russisk 60 frie studiepoeng, Studenten kan velje emne innanfor skulefag, språkfag, historie- og kulturfag, estetiske fag eller andre fag som er relevante for studenten si vidare utdanning eller yrkesplanar. Vi tilrår sterkt at studentane tek frie studiepoeng i eit russisktalande land. Ta gjerne kontakt med studierettleiar om tilrådde valemne.

30 av dei 60 frie studiepoenga må brukast til å oppfylle kravet om breiddekomponent (sjå under «Obligatoriske emne»).

Rekkefølgje for emne i studiet

Tilrådd rekkjefølgje for emne i studiet:

1. semester (haust)

EXPHIL Examen philosophicum (10 stp)

LES100 Les og skriv (10 stp)

RUS100 Grunnkurs i skriftleg og munnleg russisk (10 stp)

2. semester (vår)

RUS120 Russisk språk I (20 stp)

RUS121 Russisk historie og kultur (10 stp)

Sumarkurs i russisk språk i utlandet er tilrådd etter 2. semester.

3. semester (haust)

RUS130 Russisk språk II (10 stp)

UKR133 Ukraina: historie, samfunn, litteratur (10 stp)

SEK100 Samanliknande europeiske kulturstudium (10 stp)

4. semester (vår)

frie studiepoeng (30 stp) eller

delstudium i utland

5. semester (haust)

frie studiepoeng (30 stp) eller

delstudium i utland

6. semester (vår)

RUS240 Russisk språk og språkvitskap (15 stp) og

RUS253 Russisk litteratur med bacheloroppgåve (15 stp)

Studentar kan sjølv velje om dei vil følgja det tilrådde løpet eller om dei vil byte om på rekkjefølgja av spesialisering og frie studiepoeng. Ein må då vere merksam på at russiskemna har faste undervisningssemester.

Vi tilrår eit utvekslingsopphald i 4. semester og å ta 200-nivå i det 6. semesteret. Studentar som tek frie studiepoeng i eit fag med oppstart på våren, tek 200-nivå i det 6. semesteret.

Delstudium i utlandet

Eit utvekslingsopphald i utlandet er ein forventa og fagleg tilrådd del av studiet. Utvekslinga går normalt føre seg i det 4. eller 5. semesteret. Ein kan òg velje å vere på utveksling eit heilt år.

Tilrådde utvekslingsstader finn ein på nettsida til studieprogrammet. Det blir òg gitt informasjon om utvekslingsopphaldet gjennom informasjonsmøte og rettleiing i løpet av studietida.»

Dei frie studiepoenga blir normalt brukt til å dra på utveksling, men du kan òg velje emne innanfor andre relevante fag. Ein kan òg velja frå Universitetet i Bergen sine avtaler med studiestader i heile verda. All informasjon om utveksling finn ein på www.uib.no/utveksling.

Arbeids- og undervisningsformer

Gjennom ulike undervisingsformer får studentane moglegheit til å studera og nærma seg faget på ulike måtar. Undervisninga er forskingsbasert og føreset aktiv deltaking frå studentane.

Arbeidsmetodar og undervisingsformer omfattar m.a. førelesingar, øvingar, konversasjon, skriftlege og munnlege presentasjonar, omgreps- og problemfokuserte oppgåver, problembasert læring, rettleiing og praktisk bruk av digitale verktøy.

For nærare informasjon, sjå dei einskilde emneplanane.

Vurderingsformer

Gjennom studiet møter studentane ulike vurderingsformer. Til dømes skriftleg skuleeksamen, rettleidd oppgåve, munnleg presentasjon, munnleg prøve og mappevurdering.

Vurderingsformene er tilpassa læringsutbyttet i dei ulike emna.

For nærare informasjon om vurderingsformer, sjå dei einskilde emneplanane.

Vitnemål og vitnemålstillegg

Vitnemål og vitnemålstillegg blir skrive ut etter at graden er fullført.

Karakterskala

Ved sensur av emna i programmet kan det bli nytta ein av to karakterskalaer:

1) A-F, der F er stryk

2) Greidd/ikkje greidd

Sjå emneplanen for det einskilde emnet.

Grunnlag for vidare studium

Med eit karaktersnitt på C i spesialiseringa kvalifiserer programmet for opptak til masterprogrammet i russisk ved UiB.

Relevans for arbeidsliv

Bachelorprogrammet i russisk gjev generell kompetanse som kan nyttast i ei rekkje samanhengar. I tillegg til den praktiske kompetansen du får i det russiske språket, gjev graden ei verdfull innsikt i den russiskspråklege kulturen.

Område der kompetanse i russisk og kjennskap til Russland, Ukraina og andre land i Aust- og Sentral-Europa og Sentral-Asia er nyttig, er næringslivet og internasjonalt retta organisasjonar, og elles undervisning, kulturformidling, forlagsverksemd, media, reiseliv, offentleg administrasjon og forsking. Personar med russisk i fagkrinsen er òg å finne i utanrikstenesta og i dei andre departementa.

Bachelorprogrammet i russisk kan brukast til å undervise i den vidaregåande skulen. I tillegg blir russisk brukt for variert arbeid både i offentleg og privat sektor innanfor felt der det internasjonaliserte samfunnet treng språk- og kulturkunnskapar.

For å kunne bruke russisk aktivt i jobbsamanheng, er lengre utenlandsopphald undervegs i, eller etter studiet tilrådd, eventuelt påbygging med mastergradsstudium.

Ved påbygging til mastergrad får du kvalifikasjonar for vidare studium og for forsking, formidling og undervisning på høgare nivå, samt for variert arbeid både i offentleg og privat sektor på felt der det internasjonaliserte samfunnet set høge krav til både språk- og kulturkunnskapar.

Evaluering

Bachelorprogrammet blir kontinuerleg evaluert i tråd med retningslinene for kvalitetssikring ved UiB. Emne- og programevalueringar finn ein på kvalitetsbasen.uib.no

Programansvarleg

Programstyret har ansvar for fagleg innhald og oppbygging av studiet og for kvaliteten på studieprogrammet

Administrativt ansvarleg

Institutt for framandspråk ved Det humanistiske fakultet har det administrative ansvaret for studieprogrammet.

Kontaktinformasjon

Studierettleiar@if.uib.no

Tlf 55 58 93 70