Geovitskap (bachelor)

På bachelorstudiet i geovitskap får du brei kunnskap om den geologiske og geofysiske oppbygginga til jordkloden, og lærer å bruke kjemiske, fysiske, biologiske og geologiske prosessar til å forklare korleis jorda har utvikla seg gjennom milliardar av år og framleis endrar seg i dag.  

Med denne utdanninga vil du kunne jobbe med mange samfunnsaktuelle problemstillingar. Viktige spørsmål vi jobbar med ved instituttet er for eksempel: 

• korleis vi kan tilpasse oss eit grønare energiskifte 
• årsaker til hyppigare og meir øydeleggande geofarar som flaum og skred 
• å avgrense klimaendringane vi i dag er vitne til 
• korleis vi kan tilpasse oss den aukande etterspørselen etter ressursar 
• kva energiformer vi kan nytte oss av i framtida 

Geovitskap er eit fulltidsstudium, der du bruker 35-40 timar i veka på studia. Ei veke kan for eksempel innehalde sjølvstudium, forelesing, øvingar, lab- og feltarbeid. 

For å forstå prosessane som har danna landskapet vårt, er feltarbeid viktig. Våre studentar drar tidleg ut i naturen, og vi tilbyr mange kurs med ekskursjonar og tokt.  

Samhaldet mellom studentane ved geovitskap er unikt. Samarbeid i undervisning og felt gir studentane moglegheit til å knyte tette band. Aktive læringsteknikkar skapar god kontakt mellom studentar og undervisarar, og gir rom for faglege diskusjonar.

Bachelorprogrammet i geovitskap får gode tilbakemeldingar i Studiebarometeret og har fleire gonger blitt kåra som eit av de beste ved UiB, blant anna for eit godt læringsmiljø. Programmet er også kåra til det beste geofagprogrammet i Noreg.

Samfunnet treng geovitarar innan alle felt der ein har med den faste jorda, geofarar, klima, miljø og energiressursar å gjere, og med ein bachelorgrad i geovitskap kan du blant anna bidra inn mot problemstillingar i 

• forvaltning (departement, fylke eller kommune) 
• forsking (universitet/høgskule) 
• energi- og ressursutvinning (energinæringa) 
• sikring og førebygging i statlege føretak og konsulentbransjen (Multiconsult, Norconsult, NVE, Statens Vegvesen etc.) 
• transportbransjen (BANE NOR) 

I Primær kvote tel berre karakterpoeng og realfagspoeng/språkpoeng. Søkarar som ikkje fyller meir enn 21 år i opptaksåret og har eit førstegongsvitnemål, søker i denne kvota.

I ordinær kvote tel også forbetringar av fag, alderspoeng og tilleggspoeng. Du søker i alle kvotane du er kvalifisert for.

Undervisningsspråk: Norsk

Bachelorprogrammet i geovitskap er eit treårig fulltidsstudium med oppstart i august. Studieprogrammet har to studieretningar, geologi og geofysikk, som inneheld litt forskjellige emne. Dei fleste emna er obligatoriske, men graden inneheld også frie studiepoeng som gir deg moglegheiter til å forme graden ut frå eigne interesser. 

Studieretning: Geologi

Semester 1 

Innføring i geologi (GEOV101, 10 studiepoeng) 

Brukarkurs i matematikk I (MAT101, 10 studiepoeng) eller Matematikk for naturvitskap (MAT105, 10 studiepoeng) 

Innføring i programmering (INF100, 10 studiepoeng) eller Kjemi og energi (KJEM110 , 10 studiepoeng)

Semester 2 

Geofysiske metodar (GEOV111, 10 studiepoeng) 

Ekskursjoner og øvingar i geologi (GEOV102, 10 studiepoeng) 

Kjemi grunnkurs (KJEM109, 10 studiepoeng)  eller Innføring i programmering (INF100, 10 studiepoeng)

Semester 3 

Innføring i mineralogi og petrografi (GEOV103, 10 studiepoeng) 

Innføring i sedimentologi (GEOV107, 10 studiepoeng) 

Innføring i eksogene prosessar og paleoklima (GEOV110, 10 studiepoeng) 

Semester 4 

Innføring i strukturgeologi og tektonikk (GEOV104, 10 studiepoeng) 

Innføring i geokjemi (GEOV109, 10 studiepoeng) 

Examen philosophicum – seminarmodell (EXPHIL-MNSEM, 10 studiepoeng) 

Semester 5 

Valemne (10 studiepoeng) 

Innføring i geobiologi (GEOV114, 10 studiepoeng) 

Valemne (10 studiepoeng) 

Semester 6 

Tre valemne eller utveksling (30 studiepoeng) 

Studieretning: Geofysikk

Semester 1 

Grunnkurs i matematikk I (MAT111, 10 studiepoeng)

Innføring i geologi (GEOV101, 10 studiepoeng)

Innføring i programmering (INF100, 10 studiepoeng)

Semester 2 

Geofysiske metodar (GEOV111, 10 studiepoeng)

Lineær algebra (MAT121, 10 studiepoeng)

Mekanikk 1 (PHYS111, 10 studiepoeng)

Semester 3 

Den faste jordas fysikk (GEOV112, 10 studiepoeng)

Refleksjonsseismisk datainnsamling og prosessering (GEOV113, 10 studiepoeng)

Valemne (10 studiepoeng) 

Semester 4 

Valemne 1 (10 studiepoeng) 

Global og anvendt geofysikk (GEOV265, 10 studiepoeng) 

Valemne 1 (10 studiepoeng) 

Semester 5 

Valemne 2 (10 studiepoeng) 

Examen philosophicum – seminarmodell (EXPHIL-MNSEM, 10 studiepoeng) 

Valemne 2 (10 studiepoeng) 

Semester 6 

Tre valemne eller utveksling (30 studiepoeng) 

Valemne 1 – vel to blant emna: MAT112, MAT131, GEOV102, GEOV104 

Valemne 2 – vel to blant emna: GEOV107, GEOV254, GEOV272, GEOV276, GEOV277, MAT212, PHYS112, PHYS113 

Du finn detaljert vekeplan og anbefalt litteraturliste på heimesida til kvart emne.

Spesialiseringar i denne graden.

Geovitskap er eit internasjonalt fagfelt, så vi oppmodar til å reise på utveksling i sjette semester. 

Du kan reise til våre samarbeidsuniversitet i Tsjekkia, Tyskland, Danmark, Sveits, Frankrike, Nederland, Spania, Irland, Italia, Hellas eller Storbritannia, eller velje blant UiB sine sentrale avtalar.  

Det er òg mogleg å ta emne eller eit semester på Universitetssenteret på Svalbard (UNIS).

Sjå anbefalte utvekslingsavtalar

Mange av studentane på bachelorgrad går vidare til ein mastergrad i geovitskap.

Studieplan for Bachelorprogram i geovitenskap