Kunstig intelligens (bachelor)

Som student lærer du kva intelligente maskinar er og korleis dei blir til. Du vil bruke datakunnskap og informasjonsvitskap til å lære datamaskinar å løyse oppgåver som vanlegvis krev menneskeleg intelligens.  

Når teknologien blir brukt på stadig fleire område, må vi stille større krav til etikk og berekraft. Ein bachelorgrad i kunstig intelligens gir deg kraftige verktøy for innovasjon og verdiskaping innan alt i frå spelutvikling og investeringsanalysar til miljøvennleg byplanlegging og betre offentlege tenester. 

I kunstig intelligens er vi interesserte i korleis maskinar kan lære frå eksempel og korleis vi kan 

• framvise informasjon og kunnskap slik at ein maskin kan dra nytte av han 
• spesifisere eit problem og lage automatiske løysingar 
• automatisere avgjerder og samhandling mellom menneske og maskin  
• sikre at teknologi vert brukt til det beste for enkeltmenneska

Du blir del av eit godt og aktivt studentmiljø ved Det samfunnsvitskaplege fakultet.  

Mykje av undervisninga vil gå føre seg på SV-bygget, i realfagsbygget og Høyteknologisenteret. Du har tilgang på lesesalar og datalabar både på SV-fakultetet og på NT-fakultetet på Nygårdshøyden i Bergen sentrum.  

Du blir dessutan ein del av eit større studentmiljø på Institutt for informasjons- og medievitskap. Her vert det arrangert festar, quiz og bedriftspresentasjonar gjennom studentane sitt eige fagutval.

I eit typisk semester tar du tre emne. Kvart emne har vanlegvis ei forelesing i veka. Du har også lab eller seminar i små grupper to gonger kvar veke.  På lab gjer du praktisk programmering på datamaskin med hjelp frå ein lab-assistent. På seminar løyser du oppgåver ved bruk av teoretiske verktøy. 

Kunstig intelligens er no i den spede starten på å bli ein del av dagleglivet vårt. Ferdigheiter innan kunstig intelligens er i ferd med å vere avgjerande for utvikling av nesten alle typar programvare - du kan arbeide som programvare- eller produktutviklar for KI-relaterte produkt.  

Kompetanse innan programmering og kunstig intelligens er etterspurt i alle sektorar. Kunstig intelligens kombinert med kurs i matematikk, praktisk datamaskinprogrammering og samfunnsvitskapgir deg ein brei kompetanse som er aktuell på tvers av mange sektorar.

I primær kvote tel berre karakterpoeng og realfagspoeng/språkpoeng. Søkarar som ikkje fyller meir enn 21 år i opptaksåret og har eit førstegongsvitnemål, søker i denne kvota.

I ordinær kvote tel også forbetringar av fag, alderspoeng og tilleggspoeng. Du søker i alle kvotane du er kvalifisert for.

Generell studiekompetanse i tillegg til Matematikk R1 eller S1 og S2.

Undervisningsspråk: Norsk

Bachelorgraden i kunstig intelligens er eit treårig fulltidsstudium som startar i august.

1. semester, haust

AIKI100 – Innføring i kunstig intelligens (10 studiepoeng)

INFO132 – Innføring i programmering (10 studiepoeng)

MAT101 – Brukarkurs i matematikk I (10 studiepoeng)

2. semester, vår

AIKI110 – Kunstige agentar (10 studiepoeng)

INFO104 – Formelle metodar for informasjonsvitskap (10 studiepoeng)

MAT121 – Lineær algebra (10 studiepoeng)

3. semester, haust

INFO180 – Metodar i kunstig intelligens (10 studiepoeng)

INFO282 – Knowledge Representation and Reasoning (10 studiepoeng)

STAT110 – Grunnkurs i statistikk (10 studiepoeng)

4. semester, vår

Utvekslingssemester / Frie studiepoeng (30 studiepoeng)

5. semester, haust

AIKI210 – Etikk i kunstig intelligens (10 studiepoeng)

INF264 – Innføring i maskinlæring (10 studiepoeng)

Examen philosophicum – seminarmodell eller skoleeksamen (10 studiepoeng) 

6. semester, vår

AIKI200 – Bacheloroppgåve i kunstig intelligens (10 studiepoeng)

Valemne i spesialiseringa (20 studiepoeng)

På bachelorprogrammet er dei fleste emna (faga) obligatoriske, men graden inneheld også frie studiepoeng, der du kan velje fag sjølv. Du kan også ta spesialisering innan informatikk eller informasjonsvitskap.  I det fjerde semesteret er det tilrettelagt for å reise på utveksling eller ta frie studiepoeng. Dette gir deg moglegheiter til å forme graden din ut frå eigne interesser.

Sjå alle emne på UiB her

I det fjerde semesteret anbefaler vi deg å reise på utveksling. Dersom du ikkje vel å reise ut, kan du ta frie studiepoeng ved UiB som ikkje overlappar med dei obligatoriske emna i programmet.

Sjå anbefalte utvekslingsavtalar

Du kan gå vidare med ein mastergrad i informatikk, informasjonsvitskap eller andre relaterte fag, mot ein karriere innan forsking, undervisning eller konsulentverksemd.

Studieplan for Bachelorprogram i kunstig intelligens