Medisin (profesjon, 6 år)

Som lege må du forstå korleis menneske i krise har det, og korleis deira behov for tryggleik best kan ivaretakast. Du vil lære korleis kroppen er sett saman, i tillegg til å møte menneske i ulike livsfasar og situasjonar. Studiet integrerer teori og pasientnær klinisk undervisning. Vi diskuterer profesjonalitet og identitet som lege, og legg vekt på undervisnings- og vurderingsformer der studentane har ei aktiv rolle. Vi tilbyr ei forskarlinje for deg som er interessert i medisinsk forsking og som kan tenke deg å forske parallelt med studia.

Etter medisinstudiet skal du kunne

• gjennomføre medisinske konsultasjonar og kommunisere med pasientar og pårørande på ein profesjonell og empatisk måte
• identifisere problemstillingar, gjennomføre diagnostikk, iverksette behandling og/eller førebyggande tiltak
• gi god oppfølging ved ulike sjukdomsgrupper og tilstandar i samarbeid med med pasienten og andre

Du kan vente deg ein variert studiekvardag med både praktisk og teoretisk undervisning, i tillegg til lengre periodar med praksisutplassering på sjukehus og legekontor.    

Du møter pasientar tidleg i undervisninga, og i valfrie periodar kan du fordjupe deg i tema du er spesielt interessert i. Du møter også engasjerte legar som rettleier deg i rolleforståing og forventningar til legeyrket. Som ny student får du tilbod om å delta i ei mentorgruppe.  

Uansett kva for ein campus du vel, vil dei første tre studieåra vere i Bergen. 

• Campus Bergen: du har alle seks åra dine i Bergen. 
• Campus Bergen/Stavanger: etter tre år i Bergen, tek du dei siste tre åra i Stavanger. 
• Campus Bergen/Førde: etter tre år i Bergen, tek du dei tre siste åra i Førde. 

MERK: det er ikkje mogleg å bytte mellom campus Bergen, campus Bergen/Stavanger eller campus Bergen/Førde etter at du har starta på studiet. 

Medisinstudiet gir autorisasjon som lege og kvalifiserer til begynnarstillingar (LIS –«lege i spesialisering») i det offentlege helsevesenet. Etter studiet kan du spesialisere deg innan ei rekke ulike fagfelt. Spesialiseringa i etterkant av studiet blir koordinert av Helsedirektoratet. Når du er i spesialisering er du samtidig i betalt jobb.   

Legar er også attraktive i offentleg forvaltning og i privat sektor. Som lege kan du arbeide på sjukehus, som fastlege i primærhelsetenesta eller på andre område som krev medisinsk kompetanse. 

I primær kvote tel berre karakterpoeng og realfagspoeng/språkpoeng. Søkarar som ikkje fyller meir enn 21 år i opptaksåret og har eit førstegongsvitnemål, søker i denne kvota.

I ordinær kvote tel også forbetringar av fag, alderspoeng og tilleggspoeng. Du søker i alle kvotane du er kvalifisert for.

Generell studiekompetanse i tillegg til Matematikk R1 (eller S1 og S2). Du må også ha Fysikk 1 og Kjemi 1 og 2.

Campus Bergen (også vist ovanfor)
Studieplassar: 165
Tidlegare poenggrenser:
Ordinær kvote: 67.8
Primær kvote: 59.4

Campus Bergen/Stavanger
Studieplassar: 40
Tidlegare poenggrenser:
Ordinær kvote: 67.1
Primær kvote: 58.5

Campus Bergen/Førde
Studieplassar: 20
Tidlegare poenggrense: Det er inga poenggrense på opptak til campus Bergen/Førde per i dag, sidan det ikkje har vore opptak til denne campusen før.

Ver merksam på at studentar må ha norsk pass, norsk ID-kort eller tilsvarande utanlandske ID-papir/pass som er godkjende av norske styresmakter, i tillegg til Bank-ID, for å bruke datasystema til helsetenestene i praksisutplassering i dette studiet. Utan gyldig Bank-ID eller tilsvarande identifikasjonsløysing med høgaste tryggleiksnivå vil du ikkje kunne gjennomføre studiet. Sjå nettsidene til Digitaliseringsdirektoratet for meir informasjon.

Undervisningsspråk: Norsk

Som medisinstudent har du fleire praksisperiodar i løpet av studiet. Praksis begynner i fjerde studieår, men allereie dei tre første åra vil du ha klinisk undervisning på sjukehus og vil møte pasientar. 

Du skal i praksis både på sjukehus og i kommunehelsetenesta. Frå og med fjerde året blir det lengre praksisopphald i psykiatri, indremedisin, kirurgi, obstetrikk/gynekologi og pediatri, allmennmedisin og samfunnsmedisin.  

Du finn detaljert vekeplan og litteraturliste ved å trykke på kvart emne i lista nedanfor.    

Studentar på campus Bergen, campus Bergen/Stavanger og campus Bergen/Førde tar dei same emna dei tre første åra.

Slik er studiet lagt opp:    

1. studieår:  

MEDOD1 - Første semester medisin- og odontologistudiet (17 studiepoeng)  

MED2 - Andre semester medisinstudiet (8 studiepoeng)  

MEDOD2 - Andre semester medisin- og odontologistudiet (25 studiepoeng)  

Ex.phil.* Skoleeksamen eller seminarmodell (10 studiepoeng)   

2. studieår:  

MED3 - Tredje semester medisinstudiet (27 studiepoeng)  

MED4 - Fjerde semester medisinstudiet (33 studiepoeng)  

3. studieår:  

Valfrie emne (6 studiepoeng)  

MED5 - Femte semester medisinstudiet (27 studiepoeng)  

MED6 - Sjette semester medisinstudiet (27 studiepoeng)  

4. - 6. studieår:

Sjå emneliste for medisinstudiet campus Bergen år 4-6

Sjå emneliste for medisinstudiet campus Bergen/Stavanger år 4-6

Sjå emneliste for medisinstudiet campus Bergen/Førde år 4-6

*Ex.phil. (examen philosophicum) er eit filosofiemne som høyrer til i alle grunnstudium ved UiB.  

Merk at det kan skje mindre strukturelle endringar i studieprogrammet (som rekkefølge på emne ol.), fram mot studiestart. 

Spesialiseringar i denne graden.

På medisinstudiet har du mange moglegheiter til å reise ut, enten på korte opphald, over eit heilt semester, eller til og med eit heilt år. Vi har mange gode utvekslingsavtalar som gjer at du ikkje blir forsinka i studia sjølv om du reiser på utveksling.  

Les meir om utveksling på medisinstudiet 

Sjå anbefalte utvekslingsavtalar

Medisinstudiet kvalifiserer deg for forskarutdanning på ph.d.-programmet i medisin, som fører fram til doktorgrad. Forskarlinjestudentar som etter fullført medisinstudium får opptak til ph.d.-programmet, vil kunne fullføre vidare utdanning på kortare tid.

Telefonen er open kvardagar frå 12.00-14.00.

Studieplan for Medisinstudiet