Geofysikk - meteorologi og oseanografi (integrert masterprogram, sivilingeniør)

Bli ein del av eit unikt læringsmiljø som utfordrar deg og rustar deg til å møte dagens og morgondagens kompetansebehov. I studiet lærer du korleis vêr, hav og klima endrar seg og påverkar menneske, natur og næringsgrunnlag. Du får praktisk erfaring i å bruke koding til å utforske fysiske, kjemiske og statistiske samanhengar innanfor meteorologi og oseanografi, vitskapane om atmosfæren og havet . Du får moglegheit til å delta i spennande feltarbeid med forskingsskip og bruk av dronar for å samla inn data frå hav og atmosfære. Du dykkar ned i fagområde som hav og atmosfære dynamikk, kretsløp og klimafysikk ved hjelp av teori, numerisk modellering, statistikk og maskinlæring. Denne unike kompetansen dannar grunnlaget for avanserte vêrvarsel, effektiv havovervaking og klima- og risikoanalyse.

På Geofysisk institutt blir du ein del av eit engasjerande og inkluderande studentmiljø. Her samarbeider studentar på tvers av årskull med innleveringar og førebuingar til eksamen. Du kan forvente rundt seks dobbeltimar med forelesingar kvar veke, i tillegg til rekneøvingar. Praktisk læring inkluderer laboratorie- og dataøvingar, samt spennande tokt og feltarbeid. Lesesalsplassar finn du på Universitetsbiblioteket og i Allegaten 66. 

I løpet av studiet skal studentane også ha praksis. Du får verdifull innsikt i arbeidslivet gjennom praksis i spennande bedrifter, og får bruke fagkunnskapen din på verkelege problemstillingar. 

I den fine hagen framfor instituttet samlast studentar, særleg på varme dagar. Vårt aktive fagutvalet, Coriolis, arrangerer sosiale og faglege aktivitetar. Følg studentlivet på Instagram. Ved Geofysisk institutt er du ein del av Nordens største klimaforskingsmiljø.

Ein mastergrad i geofysikk – meteorologi og oseanografi gir deg ein svært ettertrakta kompetanse. Alt frå konsulentverksemd, grøn innovasjon og offentleg forvaltning til forsking og undervisning, med unik ekspertise i å forstå naturgitte forhold som vêr, hav og klima – essensielt for berekraftig ressursforvaltning, næring og teknologisk utvikling. Gjennom praksis får du moglegheit til å knyte kontakt med næringslivet og skaffe deg verdifull erfaring som du kan bruke på CV-en.
Arbeidsmarknaden etterspør kompetanse i matematikk, fysikk og koding, noko du meistrar etter dette studiet. 

Generell studiekompetanse og Matematikk R1 (eller S1 og S2), R2 og Fysikk 1. Om du ikkje har generell studiekompetanse kan du likevel dekke kravet om du har:

• Bestått 1-årig forkurs for 3-årig ingeniørutdanning og integrert masterstudium i teknologiske fag etter fagplan av 2014
• Bestått 1-årig forkurs for ingeniør- og maritim høgskoleutdanning
• Bestått 2-årig teknisk fagskule (rammeplan frå 1998/99 eller tidlegare)

Undervisningsspråk: Norsk

Undervisning og litteratur vil vere på norsk og engelsk.

Integrert masterprogram i geofysikk – meteorologi og oseanografi er eit femårig fulltidsstudium. Dei første tre åra (1.-6. semester) er felles for alle studentane på kullet. Deretter avheng studieplanen av kva du vel å fordjupe deg i. Studiet blir avslutta med ei individuell masteroppgåve. 

Du kan spesialisere deg i retningane
·       Meteorologi
·       Fysisk oseanografi
·       Klimadynamikk
·       Marin biogeokjemi

I løpet av studiet skal du gjennomføra 8 veker (om lag 300 timar) med praksis, som normalt blir gjennomført frå og med 2. til og med 4. studieår. Me har etablert eit nettverk med bedrifter for praksisplassar, men du står òg fritt til å finna praksisplass sjølv. Praksisplass godkjennast før oppstart av praksis, og gjennomført praksis må bekreftast i etterkant av gjennomført praksis.
 

Slik kan studiet sjå ut: 
 
1.     semester
 
MAT111 - Grunnkurs i matematikk (10 studiepoeng)
INF100 - Innføring i programmering (10 studiepoeng)
GEOF100 - Introduksjon til atmosfære, hav og klima (10 studiepoeng)
 
2.     semester
 
MAT112 - Grunnkurs i matematikk II (10 studiepoeng)
MAT121- Lineær algebra (10 studiepoeng) 
PHYS111 - Mekanikk I (10 studiepoeng) 
 
3.     semester
 
GEOF105 - Atmosfære- og havfysikk (10 studiepoeng) 
MAT212 - Funksjonar av fleire variablar (10 studiepoeng)*
KJEM110 - Kjemi og energi (10 studiepoeng), STAT110 - Grunnkurs i statistikk (10 studiepoeng) eller PHYS113 - Mekanikk 2 og termodynamikk (10 studiepoeng)
 
4.     semester
 
MAT131 - Differensiallikningar (10 studiepoeng) 
GEOF110 - Atmosfære-, hav- og klimadynamikk (10 studiepoeng) 
MNSEM eller MNEKS - Ex.phil  (10 studiepoeng) 
 
5.     semester
GEOF210 - Dataanalyse i meteorologi og oseanografi (10 studiepoeng) 
SDG213 - Klimaendringar – årsaker og konsekvensar (10 studiepoeng)
INNOV201 - Innovasjon ved designtenkning (10 studiepoegn) 
 
6.     semester 
 
GEOF211 - Numerisk modellering (10 studiepoeng) 
GEOF232 - Praktisk meteorologi og oseanografi (10 studiepoeng) 
Valemne (10 studiepoeng)
 
 
7.     semester
Retningsval/valemne (10 studiepoeng)
Retningsval/valemne (10 studiepoeng)
Retningsval/valemne (10 studiepoeng)
 
8.     semester 
 
Retningsval/valemne (10 studiepoeng)
Retningsval/valemne (10 studiepoeng)
Retningsval/valemne (10 studiepoeng)
 
9.     semster
GEOF399 - Masteroppgåve (30 studiepoeng)
 
10.  semester
GEOF399 - Masteroppgåve (30 studiepoeng)
 
Sjå «studieplan» under for konkrete val av emne for dei fire spesialiseringane. 
* Ikkje obligatorisk for studentar som skal spesialisere seg i marin biogeokjemi

Det enklaste er å reise på utveksling i femte og/eller sjette (siste) semester. Vi har avtalar med utvalde samarbeidsuniversitet der fagtilboda passar spesielt godt, blant anna i Tyskland, Austerrike og USA. Dette gjeld også for opphald på Svalbard (UNIS).

Ein integrert mastergrad i geofysikk - meteorologi og oseanografi gir formelt grunnlag for opptak til ph.d.-programmet og vidare forsking innan meteorologi, fysisk oseanografi, klimadynamikk og marin biogeokjemi.

Studieplan for Integrert masterprogram i geofysikk - meteorologi og oseanografi (sivilingeniør)