Forskergruppe for forvaltningsrett

Forskargruppa er først og fremst ein møteplass der viktige tankar og problemstillingar delast og kjem til nytte i individuell vitskapeleg produksjon, føredrag, formidling og undervising. Gruppa har ein særleg viktig funksjon i samband med rekrutteringsprosjekt, både for studentar som skriv master­oppgåver og for stipendiatar. 

Ein del av føremålet med gruppa er å vere ein viktig møteplass for både våre yngre for­skarar, men også for stipendiatar frå andre fakultet i Norge og Europa, og tek gjerne i mot besøk både for kortare eller lengre opphald, men også via webinar og andre nettmøte. Gjennom dialog og sam­arbeid sikrar vi stadig ny kunnskap både for nye og etablerte forskarar. 

I tillegg til å vere sentrale undervisarar i utdanninga til studentane på fakultetet, driv forskarane i gruppa aktivt med å formidle kunnskap utad. Det skjer mellom anna gjennom lovarbeid, litteratur, og oppdrag i media.