Politikk og forvaltning (bachelor)

Studiet passar for deg som er interessert i politikk og som liker å diskutere aktuelle tema som demokrati og samfunnsstyring, organisasjonar, offentleg forvalting og politikk på eit høgt nivå. Du lærer å utføre sjølvstendige analysar av aktuelle samfunnsproblem og utfordringar i offentleg, privat og frivillig sektor.

I tillegg får du kunnskap om politikk og forvaltningssystem, og blir dermed attraktiv arbeidskraft både i offentleg og privat sektor.  

Etter bachelorstudiet kan du  

• forklare grunnleggande teoriar, analysemodellar og tilnærmingar innanfor studiet av organisasjonar, offentleg forvaltning og offentleg politikk 
• utvikle og gjennomføre studiar av organisasjon, offentleg forvaltning og offentleg politikk ved å bruke samfunnsvitskapleg metode 
• formidle og kommunisere om faglege problemstillingar, metodar og forsking

Som bachelorstudent blir du ein del av eit godt studentmiljø. Studentforeninga DEMOS inviterer til faglege og sosiale arrangement.  

Bachelorprogrammet i politikk og forvaltning er eit studium på fulltid, det vil seie at du bruker om lag like mykje tid på studia som på ein fulltids jobb. Du tar 30 studiepoeng kvart semester. I tillegg til sjølvstudium som lesing og kollokviegrupper, kan ei typisk veke ha 10-12 timar med undervisning i form av forelesingar og seminargrupper. Oppgåveskriving, presentasjonar og gruppearbeid er òg ein del av studiet. Mot slutten av studiet skal du skrive ei sjølvstendig bacheloroppgåve.  

Som student ved Det samfunnsvitskaplege fakultet vil du finne undervisningsrom og lesesalar på Ulrike Pihls hus, seminarromma på SV-fakultetet og på biblioteket ved SV-fakultetet som alle ligg på Nygårdshøyden i Bergen sentrum.

I dette studiet får du lære om korleis dei politiske institusjonane, forvaltninga og samfunnet kan møte dei utfordringane vi står overfor innanfor helse, utdanning, miljøvern og samfunnstryggleik. Du får innsikt i kva for organisasjons- og styringsformer ein kan nytte og korleis dei fungerer. Viktig er også korleis norsk politikk og norsk samfunnsstyring heng saman med utviklinga internasjonalt.

Våre tidligere studentar jobbar med:

• leiing og organisasjonsutvikling
• kommunikasjonsarbeid
• rådgjeving og administrasjon
• sakshandsaming i stat, fylke eller kommune
• ideelle og internasjonale organisasjoner

Du må dokumentere generell studiekompetanse utan tilleggskrav. Dette er eit krav for opptak til alle studieprogram.

Undervisningsspråk: Norsk

Undervisning og litteratur er på norsk og engelsk. Du finn timeplan og litteraturliste på emnesidene.

Bachelorprogrammet i politikk og forvaltning er eit treårig fulltidsstudium som startar i august.  

Anbefalt studieforløp: 

1. semester

GOV100 – Innføring i politikk og forvaltning (20 studiepoeng) 

Examen philosophicum - seminarmodell eller skoleeksamen (10 studiepoeng)

 2. semester

GOV112 – Organisasjonsteori (10 studiepoeng)  

GOV113 – Norsk politikk (10 studiepoeng) 

MET103 – Kvalitativ samfunnsvitskapleg metode (10 studiepoeng)

 3. semester

GOV114 – Politisk teori og styreformer (10 studiepoeng)  

MET104 – Kvantitativ samfunnsvitskapleg metode (10 studiepoeng)

Eit av emna: 

GOV108 – Climate Policy (10 studiepoeng)

GOV115 – EU og internasjonale organisasjonar (10 studiepoeng)

GOV116 – Rett og politikk (10 studiepoeng)

 4. semester

Utveksling / Frie studiepoengpoeng (30 studiepoeng) 

 5. semester

Utveksling / Frie studiepoengpoeng (30 studiepoeng) 

 6. semester

GOV251 – Bacheloroppgåve i politikk og forvalting (10 studiepoeng) 

GOV215 – Organisasjons- og institusjonsanalyse for offentleg sektor (10 studiepoeng) 

Eit av emna: 

GOV212 – Klima, kriser og samfunnstryggleik. Handtering av uregjerlege samfunnsutfordringar (10 studiepoeng) eller 

GOV213 – Helse- og velferdspolitikk – Makt og innflytelse (10 studiepoeng) eller 

GOV214 – Kunnskapens institusjonar, ekspertise eller politikk (10 studiepoeng) eller 

GOV216 – Constitutions, Courts, and Politics (10 studiepoeng) eller 

GOV217 – Gender and Power in Contemporary Politics (10 studiepoeng) 

Heile bachelorgraden er på til saman 180 studiepoeng (tre års fulltidsstudium). Du startar med innføringsemne og ex.phil (filosofiemne som inngår i alle bachelorprogramma ved UiB) i første semester. Spesialiseringa i politikk og forvaltning utgjer 90 studiepoeng. Dei resterande 60 studiepoenga er såkalla frie studiepoeng. Her kan du velje emne ut frå interesse og relevans for vidare utdanning eller yrkesplanar. Du kan velje opne UiB-emne eller dra på utveksling i utlandet. Slik kan du forme innhald og oppbygging av graden din.  

Sjå oversikt over alle emne

Tatt opp på bachelorprogrammet før 2024? Sjå oppbygging her.

Utveksling gir deg nye perspektiv, og internasjonal erfaring som vert verdsett av mange arbeidsgjevarar. Du kan reise på utveksling i eitt eller to semester, og det er anbefalt å reise i fjerde og/eller femte semester. Vi har utvekslingsavtalar med mange universitet i store delar av verda.

Sjå anbefalte utvekslingsavtalar

Etter bachelorgraden kan du òg gå vidare til masterprogrammet i politikk og forvaltning, Master's in Politics and Governance of Global Challenges, masterprogrammet i samanliknande politikk eller andre statvitskaplege masterprogram i Noreg eller i andre land.  

Studieplan for Bachelorprogram i politikk og forvaltning