Finans, forsikring og data science (integrert masterprogram)

I dette studiet, også kalt aktuarfaget lærer du å analysere, bruke statistikk og lage modellar for å rekne ut kva risikoen er for at noko kjem til å skje i framtida. Vidare lærer du om kva som kjem til å bli den finansielle ringverknaden dersom visse hendingar finn stad. Denne kunnskapen gjer at du kan hjelpe firma med å kontrollere risiko og unngå å ta for store økonomiske sjansar.  

Du lærer:

• matematikk, statistikk, programmering, data science og økonomi
• å analysere praktiske problemstillingar i finans og forsikring
• å gjennomføre berekningar som aktuarar innan livsforsikring og skadeforsikring typisk arbeider med, inkludert fastsetting av forsikringspremiar og kapitalreservar
• å beherske grunnleggande økonomiske modellar 

Integrert master i finans, forsikring og data science er eit fulltidsstudium der du gjennomfører tre emne (fag) per semester. Kvart av desse emna har som hovudregel fire timar forelesing og to til fire timar reknegruppe/seminar i veka. Du må difor rekne med 18-24 timar undervisning i veka.

Som student ved Matematisk institutt vil du ha det meste av undervisninga på Nygårdshøyden midt i Bergen sentrum. Du har tilgang til lesesalar, bibliotek, kollokvierom, treningssenter, kantine, kafear og studentbar på campus. På UiB finn du òg mange ulike studentorganisasjonar. Å vere med i ein studentorganisasjon er ei verdifull investering i studietida di - det gir deg mange erfaringar og venner for livet.     

Matematisk institutt har ei felles studentforeining som arrangerer sosiale samlingar, spillkveldar, hytteturar, pub-lectures, eksamensfestar, og meir.

Programmet er utfordrande, men gir deg enormt gode jobbmoglegheiter. 

Her er nokre eksempel:

• Dataanalytikar i bank, forsikring eller offentleg sektor
• Finansiell rådgivar eller porteføljeforvaltar
• Aktuar – ekspert på risiko og statistikk
• Business Intelligence-analytikar
• Konsulent innan teknologi, økonomi eller analyse
• Produktutviklar i fintech eller insurtech
• Forskar 

Våre studentar har blant anna fått jobb i Statens Pensjonsfond Utland (Oljefondet), Tryg Forsikring, Gjensidige, DNB, Frende Forsikring, Sparebank1 gruppa, Nordea Liv, PWC, EY, DNB Markets og Norwegian Hull Club.

Generell studiekompetanse og Matematikk R1 (eller S1 og S2) og R2. I tillegg anten:

• Fysikk 1 og 2
• Kjemi 1 og 2
• Biologi 1 og 2
• Informasjonsteknologi 1 og 2
• Geofag 1 og 2
• Teknologi og forskingslære 1 og 2

Undervisningsspråk: Norsk

Slik kan studiet sjå ut:   

1. semester

INF100 - Innføring i programmering (10 studiepoeng)  

MAT111 - Grunnkurs i matematikk I (10 studiepoeng)  

STAT110 - Grunnkurs i statistikk (10 studiepoeng) 

2. semester

ECON110 - Mikroøkonomiske grunnomgrep og marknadsteori  (10 studiepoeng)  

MAT121 - Lineær algebra (10 studiepoeng)  

STAT111 - Statistiske metodar (10 studiepoeng)  

3. semester

INF161 - Innføring i data science (10 studiepoeng)  

MAT160 - Innføring i numeriske metodar (10 studiepoeng)   

ECON230 Internasjonal makroøkonomi (10 studiepoeng)

4. semester

MAT112 Grunnkurs i matematikk II (10 studiepoeng)

ExPhil seminarmodell eller eksamensmodell (10 studiepoeng) 

STAT200 Anvendt statistikk (10 studiepoeng) 

5. semester

STAT220 - Stokastiske prosessar (10 studiepoeng) 

Valfritt emne (10 studiepoeng) 

Valfritt emne (10 studiepoeng) 

6. semester 

STAT292 - Prosjektarbeid i statistikk (10 studiepoeng)  

STAT230 - Livsforsikringsmatematikk (10 studiepoeng) eller STAT240 - Finansteori (10 studiepoeng)

MAT131 - Differensiallikningar (10 studiepoeng)   

7. semester  

STAT231 - Skadeforsikringsmatematikk og risikoteori (10 studiepoeng) 

STAT260 - Statistisk læring * (10 studiepoeng) eller STAT250 - Monte Carlo-metodar og Bayesiansk statistikk * (10 studiepoeng) 

Valfritt emne (10 studiepoeng) 

8. semester

STAT230 Livsforsikringsmatematikk (10 studiepoeng eller STAT240 Finansteori (10 studiepoeng)

STAT210 - Statistisk inferensteori (10 studiepoeng) 

AKTUA399 - Masteroppgåve, tas over fleire semester (10 studiepoeng) 

9. semester

Valfritt emne (10 studiepoeng) 

AKTUA399 - Masteroppgåve, over fleire semester (20 studiepoeng) 

STAT231 Skadeforsikringsmatematikk og risikoteori (10 studiepoeng) eller valgfritt emne (10 studiepoeng)

10. semester  

AKTUA399 - Masteroppgåve, over fleire semester (30 studiepoeng) 

*Du må ta eitt av desse emna

Sjå oversikt over alle emne i studieplanen

Du kan reise på utveksling i eitt semester, gjerne i tredje eller fjerde studieår. Vi anbefaler å reise til eit universitet som har aktuarutdanning, ettersom det da blir lettare å finne relevante fag.

Sjå anbefalte utvekslingsavtalar

Etter fullført mastergrad kan du søke på stilling som doktorgradsstipendiat (PhD).

Studieplan for Integrert masterprogram i aktuarfag og dataanalyse